Zidnney Gomez Angarita: Mi no ta perdi, m’a djis bay fo’i cas

Dia 22 di april un famia a informa di ta preocupa pa Zidnney Natalia Gomez Angarita, naci na Colombia. Esaki tin di haber cu nan no tabata sa nada di dje y a consider’e como desapareci.

Zidnney Gomez Angarita a yega na nos redaccion pa conta su banda di medaya. El a indica cu su wela a saca e articulo pasobra el a dicidi di bay fo’i cas, pero na ningun momento a bandona Aruba. Berdad si ta cu e no a bisa niun hende nada, te despues di un dia.

El a splica cu despues cu el a disparce, el a laga informa su famia. El a tuma contacto cu su famia pa informa cu e ta bon, pero ya caba nan a informa cu el a disparce.

Gomez Angarita tin binti aña y e por tuma decision riba su mes. E motibo cu su wela a haci e denuncia ey, ta pasobra el a bay sin bisa nan algo pero despues di un dia el a comunica cu nan. Nan no a haci un denuncia na polis cu e tabata perdi. E kier a aclaria cu e no ta perdi y cu e ta bon.