Yiu abusado a dal mama, scupie y sigui cana

Mientras hopi ta sea preparando pa Noche Buena of ya ta sinta na mesa cu famia, tin un individuo cu a haya ta bon di lanta man pa su mama y agredie malamente. Un famia di tres a cab’i come n’un restaurant den Wilhelminastraat pero e cena a caba den mal tera. Un yiu homber a dal su mama y scupie y manera nada no a pasa a sigui cana bay direccion pabou.

Cuater persona a confirma mesun version di locual a sosode, entre nan; personal di e dicho restaurant mes. Polis a topa e yiu abusado ta cana banda di e mama den Havenstraat. Ora a bay atende cu ne, e mama a bisa polis; cu tur cos ta bon y no kier nan asistencia.

Polis asina mes a splica e yiu un cu e otro y splic’e riba e consecuencia. E mama aunke a haya sla, a opta di no entrega keho y a sigui cana bay abou cu su yiu manera nada no a pasa.