Xiomara Maduro: Gobierno ta haci cambio den tarifa di entrada di turismo

Gremio comercial a trece dilanti cu reforma fiscal ta bay introduci mas impuesto riba sector turistico y haci e producto mas caro. Minister di Finansa y Cultura a indica cu esey no ta asina, pero cu si ta bay haci cierto cambio den tarifa di entrada di turismo.

mr. Xiomara Maduro, Minister di Finansa y Cultura, a splica cu loke ta referi ta e cambio den tarifa cu gobierno, esta pueblo di Aruba, ta haya den entrada di turismo. N’e momentonan aki e fondonan di toeristen heffing (impuesto di turista) ta cobra pa Departamento di Impuesto, cual ta bay directamente pa Aruba Tourism Authority (ATA) y un parti chikito pa gobierno, mientras un otro parti ta bay p’un fondo special pa haci e trabounan infrastructural p’e producto di Aruba.

Den e parti di reparticion ey awo ta bay bin cambio. Ta haci e cambio aki p’asina e ora ey gobierno por lesa pueblo di Aruba y haya un parti mas grandi di locual ta entrada di e pais. Un gran parti ta bay pa mercadea Aruba. Segun e mandatario, Aruba ta un isla conoci pa turismo y p’esey por a haya e bons grandi bek. Pero di otro banda, aki na Aruba “nos mester di tin siguridad, pa nos por tin bon educacion pa bo salubridad, nos mester di e placa ey tambe di turismo den caha di gobierno.”

Maduro a duna un ehempel cu den 2019 a cobra di e toeristen heffing 104 miyon di florin. Di tur e placa aki gobierno a haya solamente cuater miyon di florin. E ta un indicacion cu e no ta den un balansa. Pa trece esey na un balansa, gobierno ta propone e cambionan aki.