Workshop tocante e peliger actual di internet

Nos ta bibando den un mundo globalisa caminda e problemanan di un pais ta afecta henter  mundo. E peligernan riba internet awendia ta afecta no solamente e paisnan grandi sino na cualkier luga di mundo cu lo conecta na internet. 

Nos muchanan, teenager y hende jong no ta consciente di e peligernan aki. Ta trata di modalidad nobo di crimen y manipulacion di mente di hende ta mas fuerte awor pa social media, y hopi di nos adulto no a ripara esey mes.

Crimen cibernetico a aumenta 150% den e grupo di menornan di edad rond di mundo. Menornan ta e grupo mas vulnerabel pa conecta pa desconocinan di cualkier luga di mundo. Robo di identidad, challenge online, cyberbulliyng, sexting, pornografía, turismo sexual infantil, ta algun di e delitonan contra nos yiunan.

P’esey ta asina importante cu nos adulto por siña di e peligernan actual di internet y social media, con nan ta funciona y kico nos por haci pa cuida nos mes pero vooral pa cuida e curason di nos muchanan, teenager y hobennan. 

Nan inocencia pa nan edad suma na nos desconocemento como nan guia ta un mix cu por trece hopi dolor den curason di nos hende jong y den nos tur como famia.

Nos kier invita tur esunnan cu ta interesa pa  siña mas tocante e tema aki bin scucha y pone bo mes na altura pa sa con pa trata cu bo yiu. 

E workshop aki lo tuma luga den e sala di conferencia na Fundacion Centro Famia Piedra Plat, diabierna dia 7 di october 2022. For di 7:00 pa 9:00 pm. Adres: Piedra Plat 50. Entrada Gratis, idioma Papiamento. Facilitador: Jairo Piraneque, cu tin master degree den educacion familiar y hubenil y cu amplio experencia.

Pa mas informacion of tin cualkier pregunta por tuma contacto na: 6995545