Wind Creek Aruba, e empresario preferi na Aruba tin e honor di anuncia e graduadonan di su programa di language Ingles y Spaño cu un total di 42 empleado. E grupo di e graduadonan ta inclui 32 empleado pa e programa di lenguahe Ingles y 10 empleado pa e programa di lenguahe den Spaño.
E grupo di graduadonan ta representa diferente departamento den Wind Creek Aruba, incluyendo 5 o’clock Par & Chill, 5 o’clock somewhere, Accounting, Aquarius, Blue, Casino Beverage, Casino Cleaning, Casino Security, Compliance, Culinary, DTS, Executive office, Fresco, Front Office, Housekeeping OS, Kitchen, Landscaping, Okeanos Spa, Papagayo, Reservations, Security, Sole Pool Bar, y Casino Table Operations.
Sr. Carmichael a guia e lesnan di lenguahe Ingles, mientras cu Sra. Esperanza a guia e lesnan di ESL y lenguahe Spaño. E dedicacion y compromiso di ambos maestronan a contribui significantemente na e exito di e programa.
Wind Creek Aruba ta kere den inverti den desaroyo personal di su miembronan di ekipo. E lesnan di ESL, diseña pa esnan cu ta uza Ingles como di dos lenguahe, a tuma luga dos biaha pa siman durante un periodo di tres luna na e propio hotel.
Como un empresa orienta riba meta, Wind Creek Aruba ta comprometi pa a sigura cu cada miembro di ekipo sinti un sentido di pertenencia y importancia. E Programa ta refleha e dedicacion di e empresa pa promove talento individual y crecemento, permitiendo empleadonan pa mehora nan habilidad durante nan ora di trabou.
E certificadonan di graduacion a ser entrega door di Sr. Carmichael y Sra. Esperanza, reconociendo e esfuersonan y dedicacion di e miembronan di ekipo di Wind Creek Aruba cu a termina exitosamente cu e programa di lenguahe. Pabien na tur empleado cu a ricibi nan certificado !
Comment