Wind Creek Aruba a celebra cu su miembronan e di 4 kwartaal di “Wind Creek Moments”

“Wind Creek Moments” ta un programa pa reconoce e miembro di ekipo di Wind Creek Aruba cu di berdad ta biba nan proposito diariamente. Wind Creek Aruba ta kere cu pa curasha e nivel di servicio, mester reconoce e miembro nan di ekipo cu constantemente ta comparti e calor humano & individualidad cual ta e curason di e proposito di Wind Creek Hospitality.

Por medio di diferente manera e huespednan por comparti nan “Wind Creek Moment”, esaki ta ora un miembro di ekipo demostra su compromiso, interaccion cu un energia positivo,sentido di pertenencia y importancia di e marca hotelero of ta duna un escape for di e bida ordinario durante nan estadia.

E reconocemento di “Wind Creek Moment” ta a base colectivo. Mester colecta di cada nivel e minimo rekisito pa cualifica pa e recompens’e. E miembronan di ekipo ta haya e oportunidad pa gana diferente premio por medio di un rifa.

E celebracion di e di cuater kwartaal di “Wind Creek Moment” a tuma luga e siman aki na Renaissance Festival Plaza cual tabata organisa door di Gabriela Garcia nos Quality Service Manager. E miembronan di ekipo a wordo reconoci pa nan interaccion positivo cu e huespednan. Esaki tabata celebra den un ambiente yena cu sorpresa, premio, reconocimento, y cara contento. Paul Gielen, manager general di Renaissance Wind Creek Aruba Resorta entrega diferente certificado y a gradici tur miembro di ekipo pa nan apoyo genero so cu ta crea e proposito di Wind Creek Hospitality.