Welga na Post Aruba N.V. ta continua: Lo evalua pa protesta henter dia

Diahuebs mainta e trahadonan di Post Aruba N.V. cu ta miembro di sindicato SEPPA a welga pa dos ora pa asina sigui mustra nan malcontento. A informa gerencia cu si nan no haya un contesta, nan lo bolbe welga cual nan ta haciendo. E biaha aki nan ta haci esey pa cuater ora.

Ayera caba shop steward pa SEPPA na Post, Huzan Koolman, a indica cu si no haya oido di gerencia, esey tabata nan siguiente paso. Nan motibo di protesta ta sigui igual, esta aumento salarial, mirando cu pa dos – tres aña nan no a conoce aumento. Tambe no ta di acuerdo cu gerencia con nan kier paga e 105 florin. Esaki ta bin pa motibo cu gerencia no kier pa pone esey riba nan payslip. E trahadonan kier pa gerencia di Post Aruba N.V. cumpli cu loke ta para den e CAO.

E trahadonan a indica cu si pa awe nan no a haya oido di gerencia, nan lo sigui manifesta. A sigui indica cu si no tende nada, pa dialuna henter dia nan ta manifesta.