Willemstad,– Warda kosta a lòs bala riba un gofast ku a trata di yega Kòrsou ku droga. Durante e tiramentu pa para e boto, bala a alkansá un di e tripulante nan mortalmente. A logra di aborda e boto i a konfiská un lote formal di droga. A detené e 5 tripulante nan ku a keda bibu miéntras a konfiská e kurpa sin bida pa mas investigashon. No ménos ku dos pikòp i un vèn bus yena ku bulto di droga a ser konfiská i transportá pa e departamento di droga.
E kaso ta den investigashon.
