*Version oficial di polis:*
*3 MORTO DI TRAFICO*
Awe mainta pa 10.35 central di polis ta wordo notifica di un accidente basta serio den Seroe Colorado.
Na yegada di patruya ta pidi pa un ambulance y materialwagen cu maximo urgencia mirando cu den un di autonan tin 3 persona cu no ta duna señal di bida y cu tin 4 persona mas seriamente herida.
Diferente Ambulance a yega na e sitio y transporta 3 mucha ( 10 luna, 3 aña y 5 aña) y un hende mayor di edad cu maximo urgencia pa hospital.
Pa 11.28 Dokter De Cuba a constata morto di:
•Joanne Carolina Wouters, Aruba 13 oktober 1987
•Mirella Jennyfer Wouters, Aruba 1 november 1986 y di •Rendrick Wouters di apenas 2 aña di edad.
Polis di trafico como tambe polis tecnico di Cuerpo Policial a yega na e sitio pa haci nan investigacion.
Slachtofferhulp tambe a presenta na e sitio caminda
a brinda yudansa y sosten na e famia di e fayecidonan.
Cuerpo Policial ta extende palabranan di forsa na famia di e fayecidonan.
