MINISTERIO KONSERNÍ ENSEÑANSA, SIENSIA, KULTURA & DEPORTE
PUBLIKÁ RIBA 01 FEBRÜARI 2023
WILLEMSTAD – Ministerio di Enseñansa, Siensia, Kultura i Deporte (ESKD) a firma akuerdo ku Reda Soshal pa e proyekto pa un stadion nobo na Soto.
Riba dia 31 yanüari último un akuerdo a keda firmá entre Minister di Enseñansa, Siensia, Kultura i Deporte sr. Sithree van Heydoorn i Direktor di Reda Soshal sr. Wilfred Bonafacia . E proyekto ta relashoná ku konstrukshon di un stadion nobo na vèlt di Soto. Reda Soshal ta risibí for Gobièrnu di Kòrsou un suma total di 3.9 mion pa ehekutá e proyekto aki. Trabounan di konstrukshon ta programá pa kuminsá den transkurso di luna di febrüari 2023.
Komo ku deporte ta un pilar importante pa desaroyo di e suidadano di Kòrsou, ta stimulá desaroyo físiko i moveshon bou di nos hóbennan. Minister di Enseñansa, Siensia, Kultura i Deporte sr. Sithree van Heydoorn ta mustra ku e ta pone finansas disponibel pa krea desaroyo duradero deportivo pa Pueblo di Kòrsou pero enpartikularmente pa nos hóbennan.
—
sr. Sithree van Heydoorn
Minister di Enseñansa, Siensia, Kultura i Deporte
