Varios mucha a siña baila durante nan vakantie

Hopi biaha durante temporada di vakantie, e muchanan tin e opcion pa bay un camp, asina desaroya nan habilidad, sea den canto, musica, baile, of tambe den otro aspecto, manera hike den mondi y disfruta di naturalesa.

Den e caso aki a organisa un Girls Dance Camp, caminda cu e mucha muhenan por a haya danza, diseño y con pa traha trahe di paña recicla.

Tambe nan a haya les di musica y na final a presenta tur esaki na nan mayornan den Wilhelminapark diabierna mainta. Ta trata mas di 15 mucha cua participa n’e camp aki pa tres siman largo. Segun Joase-Ann van der Biest di Creative Kids Club a conta cu e importancia no solamente t’e summer camp, sino tambe e motivacion y inspiracion cu e mayornan mes ta pusha p’e muchanan participa.

Intencion di e camp tabata pa yuda e mayor, mucha y e famia cu arteterapia. Durante e camp aki ta duna les di arte na manera holistico unda cu nan ta siña gratitud, meditacion, con pa hala rosea, con pa deal cu nan emocionnan, tur cos por medio di arte, e ta splica.