Vacunacion contra di COVID-19 ta sigui

Vacunacion contra di COVID-19 ta sigui den e simannan nos dilanti, unda cu DVG lo ta presente den diferente bario cu e unidad mobil di Bureau Rampenbestijding. Meta di e bishita aki ta pa asina brinda na comunidad e vacuna Bivalent di Pfizer mas cerca di cas.

Dialuna mainta e unidad mobil di Bureau Rampenbestrijding tabata na Centro di Bario Playa Pabou, p’asina cuminsa duna e prome vacunacion cu Bivalent. Un di esunnan cu a bin tuma su boostershot Bivalent tabata Bubu Marchena. El a bisa cu tabata su ruman muhe a wak e riba Facebook y el a bis’e p’e bay tuma su vacuna, esaki tabata su di cinco biaha cu e ta bin tuma vacuna. Segun Marchena, e no tin nada di perde.

El a sigui bisa cu door di tuma un boostershot, e lo por yuda proteha su mes y tambe otronan contra un posibel aumento di casonan na fin di aña. Pa locual ta esunnan cu ta den duda, e ta consehanan pa bay tuma e vacuna, si nan no a vacuna ainda y tambe pa tuma e boostershot. Asina ta proteha nan mes y esunan cu ta rond di dje. 

Un otro ciudadano cu a bin tuma su vacuna extra tabata Jose Luis Rasmussen, ta pa su salud. Asina e ta yuda proteha mas hende y ta danki na vacunacion cu e cantidad di caso a baha. 

Ainda tin hopi hende cu ta sceptico, pa cual Rasmussen a bisa cu e vacuna ta un siguransa. Sea bo ta grandi of bo ta jong, no haci caso na e rumornan. Rumor ta haci daño. Bin busca bo vacuna, pa ta mas proteha.