Universidad di Groningen: Ta facil pa implementa un transicion pa hidrogeno na Aruba

Den transcurso di diabierna a cubri un encuentro cu e delegacion encabesa pa Minister Glenbert Croes a sostene na e Universidad di Groningen cu prof. dr. Aravind Purushothaman Vellayani, experto den energia sostenibel. A papia specificamente di e posibilidad pa Aruba embarca den un transicion pa produccion y consumo di hidrogeno como combustibel.

E Profesor di Energia Sostenibel na Universidad di Groningen a comenta cu e tabatin un reunion hopi interesante y bon discusion cu ta mustra cu tin oportunidad pa hidrogeno na Aruba, specialmente door di e oportunidad pa produccion di biento y hidrogeno y e cercania cu canalnan di transporte, etc. “Kier men Aruba por beneficia potencialmente for di e transicion pa hidrogeno, pero tambe contribui na transicion di mundo pa hidrogeno,” asina a comenta, bisando acerca cu lo tin mester di un desaroyo conhunto y esey ta caminda cu e dialogonan ta bayendo tambe.

Pa loke ta trata prijs, e profesor ta opina cu ya caba ta yegando na un punto cu pa cierto aplicacion; manera di mobilidad, e ta alcansabel si ta produci e sistema y autonan di fuel cell den masa. Eventualmente esey por bira e caso cu otro sectornan.  Mester tene na cuenta si cu ainda e sistemanan aki no ta produci den cantidad grandi y ora esey cuminsa, por spera cu e costonan lo baha mas.

Pa e relato completo, lesa edicion di TREMPAN