Unidad di Ehercito ta practica hunto cu Militarnan di Caribe na Aruba

Durante e periodo 12 te cu 22 di september, e di 40 rotacion ‘Compagnie in de West (CidW)’ cu ta e unidad di ehercito, y cu temporalmente ta ubica na un forma rotativo na Comando di Forsanan Naval den Region Caribe Hulandes, na Aruba, lo ta practicando varios ehercicio.  Durante e ehercicionan aki  nan lo move na diferente parti riba e isla. Esaki lo sosode tanto na pia como cu vehiculonan di ehercto. Nan lo ta activo desde Kazerne di  Marina na Savaneta y lo mira nan specialmente na e parti oost di e isla.

Meta di e ehercicionan aki ta pa siña conoce e pais cu su geografia y poblacion mas miho, pero tambe pa train tacticanan y tecnicanan propio, bou di circunstansianan climatologico pisa. E facilidadnan cu Kazerne di Marina tin y e areanan enorme di naturalesa ta presta particularmente bon pa esaki.

Parti di e ehercicionan ta entre otro ehercicio di reconocemento (midi calibracion di registro  di un area of obheto na un forma secreto of mantene esaki bou di observacion), desaroya mas ampliamente habilidad propio, y mehora e estado fisico general. Ya como CARMIL ta eherce un programa di capasitacion simultaneo, lo tin tambe cooperacion y intercambio di conocemento. Esaki ta mehora e vinculo entre e dos unidadnan cu ta activo den Region Caribe.  

CidW  ta un batayon di forsanan di ehercito cu cada cuater luna ta keda intercambia pa un siguiente unidad.  CidW 40  ta procedente di  comando operacional di sosten di pais, un di e cuater brigadanan di Forsanan di Ehercito Real. E batayon aki ta reforsa cu entre otro miembronan diferente servicio di  ingenieria  y servicionan medico. Di e forma aki e batayon tin un diversidac amplio di specialismo presente den Region Caribe.  E unidad tambe ta keda desplega pa brinda yudansa di emergencia of despues di un solicitud di asistencia  di parti di gobierno local. E unidad ta keda hiba y busca pa e barco di apoyo, Zr. Ms. Pelikaan. Ora di bay bek nan ta bay pa medio di transporte aereo, ya como e barco lo keda desplega no un otro sitio, pa motibo di training pa horcan ‘Windward Express‘ rib’e Islanan Ariba.