Unidad 107 Aerial Systems batterij cu training di drone na Aruba

Desde dia 7 di februari, 60 Militar di Ehercito Real tene ehercicio na Aruba. E militarnan ta emplea na e unidad 107 Aerial Systems batterij na ’t Harde na Hulanda, y nan ta specialisa den desplega diferente tipo di drone. Pa haci e ehercicio posibel, e militarnan tambe tin nan propio vehiculonan y otro material militar disponibel.

E clima na Aruba ta brinda e militarnan bon posibilidad pa cumpli cu hopi ora di vuelo cu drone y cu esaki saca maximo rendimento for di e ehercicio. Na Hulanda e posibilidadnan ta mas limita durante periodo di winter. Banda di esey e ehercicio aki ta brinda e chens pa colabora cu e coleganan di e Escuadron di Marina Carib (Marine Squadron Carib) y Wardacosta Region Caribe, cu ambos tambe ta activo na Aruba.

E militarnan ta keda na Kazerne di Marina Savaneta y ta activo na diferente localidad rond e isla. Desde 15 di februari e prome vuelonan ta tuma luga y e ehercicio ta dura te cu 24 di maart.

107 Aerial Systems batterij (107 ASBt)
Unidad 107 ASBt ta un unidad di inteligencia operativo y ta specialisa den despliegue di e sistema aereo sin piloto (unmanned aerial system (UAS), miho conoci como drone. Cu e UAS aki e unidad ta recopila informacion cu otro unidad por uza den nan despliegue operativo. Destacamento di UAS tambe por keda desplega pa e tareanan civil. Durante e ehercicio na Aruba e dronenan ta keda solamente desplega p’e propositonan di ehercicio. E imagennan cu e dronenan ta traha durante e ehercicio no ta keda warda.

Colaboracion cu Luxemburgo y Belgica
Unidad 107 ASBt ta colabora cu Ehercito di Luxemburgo y Belgica. Durante e ehercicio aki tambe un cantidad di colega di Luxemburgo y Belgica ta bay gara experencia bou di guia di instructornan di e 107 ASBt, bulando cu e dronenan Hulandes. E ehercicio ta separa for di e despliegue di e MQ-9 Reaper.