Un dia historico: A haya varios artefacto y propeller di boto cu a sink na Cabes di Aruba

Diamars tabata un dia historico, segun Anthony Hagedoorn, doño y capitan di boto Tranquilo. Pero el a cuminsa algun dia prome, esta dia 23 di april, unda cu e, hunto cu un team di hoben cu e ta train pa zeilmento pa Aruba Regatta y Regatta na Boneiro pa luna di october, probechando cu e biento a cay, pa snorkel na Cabes di Aruba.

Na Cabes di Aruba tin un natural bridge yama Natural Bridge di Sero Colorado y tin cueba eyden, unda cu por a tuma e oportunidad pa snorkel y mira e naturalesa marino.

Na momento cu a sali for di e cueba a bay direccion zuid. Dos dia pasa a dicidi di bay direccion nort, ta caminda cu a haya artefacto den fondo di lama cu no ta cuadra. E muchanan a bin descubri dos anker grandi, un timon, propeller. Tambe a haya varios articulo. Fuera di esey a bin haya acerca artefacto cu ta parce proyectil. Tambe nan a bin haya un propeller y e shaft di e propeller. Motibo pakico a haci esaki ta pasobra e barco aki no ta riba barco di Aruba cu ta den lama.

E ankernan cu ta den lama di e barco aki ta anker cu ta parecido di e ankernan cu tin panort di Aruba na California Shipwreck. E barco aki a subi tera den careda di 1891 of 1893, segun Hagedoorn.

E ankernan ta mustra hopi bieu y esey a haci cu nan a bin bek pa recupera e propeller. Awo tin un miho chens pa haya sa di unda boto a bin, cua boto e tabata. A papia cu algun persona experto den historia y tambe di lama pa hopi decada y ambos persona no sa di e barco aki. Tambe Hagedoorn a tuma contacto cu arkeologo Raymundo Dijkhoff y lo bay pasa tur e artefactonan p’e pa haci su investigacion y bay den museo, p’asina purba di identifica e barco e aña cu el a subi tera y ki aña e tabata.

Lesa mas den TREMPAN.