Ty Wong ta lansa su buki tocante historia di Village

Diahuebs awo, Ty Wong ta presenta su buki ‘The Village in San Nicolaas, Aruba: a social history during the 20th and 21st centuries’ na Biblioteca San Nicolaas. E anochi ta cuminsa 7:00pm. 

Buki di Ty Wong ta trata e historia social di e habitantenan di San Nicolaas durante e siglo aki y e siglo pasa. E historia ta cubri tres generacion cu ta y tabata biba na San Nicolaas. E obra aki ta consisti di 3 volumen.

E habitantenan origianl di e isla tabata e indjannan Arawak, pero den siglo 16 e nabegantenan procedente di West-Europa a colonisa e isla. Reino Hulandes a prevalce den e conflicto inter-Europeo y de siglo 17, Hulanda a colonisa varios isla den Caribe. E idiomanan papia y skirbi riba e isla ta papiamento, hulandes, spaño y ingles. 

Despues di e descubrimento e awanan profundo den waf di San Nicolaas, n’e parti extremo zuidoost di Aruba, Pan American Petroleum Company a establece su prome refineria rib’e isla na 1924. E poblacion chikito tabata consisti primeramente di e habitantenan indigena y e Europeonan recien yega a expande rapidamente despues cu e compania a cuminsa recluta trahado for di Merca, e islanan den Caribe y Sur-America. The Village y San Nicolaas a desaroya y a bira e impulsor principal di bida y di actividad empresarial door di e diferente operacionnan di refineria Lago. 

Su contribucion n’e victoria di e Forsanan Aliado durnante Segunda Guera Mundial y otro eventonan monumental na San Nicolaas ta corectamente delinea. E aspectonan di sociedad vibrante y productivo na San Nicolaas ta abarce for di e medio ambiente te cu e sentido socio-cultural. E experiencia humano ta presenta di manera exhaustivo a traves di e descripcion di e bida- y e actividadnan di individuo- y gruponan. Un vision general di e historia di e isla y un retrospectivo riba e desaroyo economico ta completa e presentacion di e temanan relevante.

VOLUMEN I – E ta un presentacion exhaustivo di temanan relevante. E ta yen di imagennan di escena, grupo- y individuonan. Tambe ta abordo adecuadamente e educacion, religion, deporte y entretenimento. Ta inclui comentario original di e ciudadanonan local riba varios tema y individuonan. Ta inclui un serie di anecdotanan. 

VOLUME II – E ta un compilacion fotografico di actividad- y acontecimentonan social cu a destaca na San Nicolaas. Den e presentacion fotografico di e decadanan di siglo 20 y 21 ta inclui e luganan emblematico, tanto natural como cultural. E contenido ta un representacion colorido di bida y e actividad humano den e pueblo y na San Nicolaas.

VOLUMEN III – E anexonan lo atrae e lector aficiona n’e detayenan estadistico y/o administrativo. E material ta inclui e pensionadonan di Lago, fam di e inmigrantenan na San Nicolaas, e victimanan mortal di Lago durante di Dos Guera Mundial debi na e atakenan di e submarinonan Aleman, e condecoracionnan real di e ciudadanonan di San Nicolaas, e mapa di Village, e lista di e residentenann y e casnan hunto cu e empresananan den Village y San Nicolaas. 

Lansamento di e buki di tres volumen ta forma The Village in San Nicolas, Aruba: a social history during the 20th and 21st centuries’ lo tuma luga diahuebs, 8 di december den Biblioteca Nacional na San Nicolas.