Tur fin di siman ta mesun storia: Grup’i mucha a bringa cu otro

E no ta un secreto, cu tur fin di siman polis ta atende cu grup’i mucha cu ta frecuenta den e area di Renaissance Marketplace. Polis ta man yen tur fin siman cu e mesun problema. E biaha aki tabata dilanti di Parlamento di Aruba, unda e grupo a hala otro cu sla formal.

Tabatin un di nan cu polis tabata busca, mirando cu e t’esun cu a cuminsa henter e problema. E tabata bisti cu jeans, shirt blanco y cu keds bruin. A rondia den e area completo pero no a topa cu ne. Polis a tuma tur e hobennan nan datos p’asina informa nan mayornan di nan fechoria cu nan ta comete riba caya.