Tur cos ta cla p’e hazaña diasabra marduga

E cobertura di Crossing for Prevention ta continua y e ora cero ta yegando. Falta masha tiki mes pa diasabra marduga, unda cu Deaxo Croes lo sali fo’i Boneiro pa landa direccion pa yega Corsou. Mirando cu e siguiente oranan Deaxo lo bay ta hopi trankil, nos director Mark Benson Denz a probecha combersa un rato cu ne p’asina haya sa kico t’e ultimo detayenan cu ta sosodiendo tra’i cortina y un tiki di e idea tras di e challenge aki pa landa fo’i Boneiro pa Corsou.

Deaxo a comenta cu aworaki e ta basicamente relaha, disfruta di e momento manera cu e presenta y ta rond di e grupo. No solamente pasobra nan ta dunando e sosten p’e landa, pero interactua un rato cu nan, crea un bond mas fuerte. Claro pa cuminsa relaha un tiki mas, baha di tur e hype y e atencion, tur e combersacionnan cu tur hende y drenta den e zona di loke lo ta e landamento.

Den e zona aki ta importante pa cuminsa hinca bo mes den dje y cuminsa keda keto. Ta e momento cu su mes, el a menciona.

Deaxo Croes a yega di landa desde Venezuela pa Aruba, pero awo a pone como meta pa landa di Boneiro pa Aruba. Meta tra’i esaki ta pa recauda fondo pa tres fundacion. A yama e hazaña aki Crossing for Prevention.

E ta haci esey p’e fundacionnan CORESA (Aruba), Stichting Kanker Fonds (Bonaire) y Fundacion Prevenshon (Corsou). Diasabra den ora di marduga lo sali fo’i Boneiro pa Corsou. Diadomingo e lo landa pa Aruba desde Corsou.

Danki particular ta bay pa e patrocinado principal, esta Aruba Bank, Gomez Coffie, SunBum, BITE! y CR38TE.