Tsunami ta awe diasabra anochi na Patio 15

Awe Diasabra dia 1 di October 2022 e banda Tsunami lo percura pa un anochi tropical cu hopi ambiente. Ta trata di un anochi cu entrada gratis na Backyard by Patio 15. Esaki ta e area di evento patras di e restaurant Patio 15 cu ta situa banda di Arubus na playa. Pa 9 or e musica lo cuminsa hunto cu Dj Niceness cu lo percura pa un ambiente varia. Tsunami den su constelacion compacto lo pone e bailadores baila riba merengue, bachata, ritmo combina y naturalmente hora loca cu e socanan mas cayente. Naturalmente e cushina lo ta bon surti tambe pa tur esnan cu ta desea di come algo. Pa loke ta e bar, lo tin bucket specials riba cerbez y tambe botter di vodka y whiskey. Ta invita Aruba pa bin baila y pasa un anochi agradabel diasabra awor na Backyard by Patio 15. Adres: Weststraat 15.