Truck di Bombero a kibra oilpan y no tin azeta pa service

Cuerpo di bombero cada dia ta mas y mas den un decadencia total. Awo ta un polis cu a fracasa tur caminda ta dirigi cuerpo di bombero. Mientras minister cu sindicato kier haci show cu potret y haci manera cos ta super bon na Cuerpo di Bombero, e realidad ta otro. Mientras minister y- parlamentarionan ta felicita Minister Rocco Tjon cu su show na Cuerpo di Bombero hunto cu sindicato, e bomberonan ta informa nos redaccion tur lo contrario.

Diaranson mes un truck a kibra oilpan y na tempo a paga e motor y evita lo peor pa e truck. Net nan tabata dunando servicio na Savaneta yenando pool. Ta takelwagen grandi a busca pa takel e truck trece kazerne na Sabana Berde. A keda di lanta e truck mesora. Mas tristo ta cu pa basta tempo no tin azeta pa service e trucknan. Kiermen ta core e trucknan duna asistencia y pa basta tempo mester a service pero no tin azeta.

Mester cumpra azeta na emmer of bari p’asina por tene e motornan saludabel. Pero gobierno no tin placa ni pa cumpra azeta. Tur esaki no ta tende ora di haci show saca potret pa haci comosifuera cos ta bon na cuerpo di bombero. Si drecha e oilpan mes ta con lo haci pa e truck subi caya bek si no tin azeta pa e motor?

Trahadonan ta reclama cu gobierno a sinta cu sindicato pero nan mes tin dos aña sin haya uniform. Con awo minister por bay haci show y ni uniform nan no tin. Mientrastanto cuerpo di bombero falta material y truck y awo cu e incidente aki e situacion a bira pio.