Tropical Bottling Company ta introduci liña di mixer Schweppes

Tropical Bottling Company como compania, semper ta percura pa innova y tin calidad superior p’e cliente y consumidornan.

Segun representante di Tropical Bottling Company, Jessica de Veer, desde 2001 ta ofreciendo e liña di mixers bao di e marca Classic di cual ta consisti di Soda Water, Tonic Water y Ginger Ale. Producto cu normalmente ta consumi cu whiskey, vodka, gin y den hopi otro cocktail.

Despues di 21 aña Tropical Bottling Company ta anuncia cu nan liña di Classic ta haya un rebranding y ta bira e marca Schweppes.

Pa hopi hende Schweppes ta un marca hopi conoci pa nan calidad excepcional di mixers. Pa esunnan cu no conoce e marca, De Veer a tuma e oportunidad pa introduci esaki.

Schweppes ta un liña di mixer cu ta existi desde 1783 unda cu nan inicio a cuminsa cu e creacion di Tonic Water. Porcierto e prome Tonic Water den historia. Schweppes tin mas di 235 aña refinando y elevando e mundo di mixers.

Cu hopi orguyo Tropical Bottling ta presenta pueblo di Aruba e producto aki, localmente produci y distribui, di cual, manera Classic, lo consisti di Soda Water, Tonic Water, Ginger Ale.

Aunke cu ta dispidi di Classic como producto, ta habri porta p’e legado sigui cu Schweppes. Ta invita pueblo di Aruba pa purba un di e mixernan di e liña Schweppes y asina eleva nan bebida preferi.