img{margin:0
auto 0 0}@media (max-width:767px){.tdi_9.td-a-rec-img{text-align:center}}
E ehercicio Militar Internacional ‘Très Kolos’ e aña aki a tuma luga na Aruba. A participa na e ehercicio aki cu a dura dos siman (14-25 di october), Mariniernan Mericano, Frances y Hulandes; esaki tabata pa reforsa e colaboracion y a tuma luga na Kazerne di Marina na Savaneta.
img{margin:0
auto 0 0}@media (max-width:767px){.tdi_8.td-a-rec-img{text-align:center}}
Très Kolos (tres colo) desde 2010 ta conoci cu e nomber aki. E tres colonan ta referi na e colonan di e bandera di e paisnan cu historicamente a participa.
E ehercicio ta consisti di un competencia militar, den cua e ekiponan di diferente pais ta competi contra otro y un parti ta ehercicionan tactico y diferente scenario. E parti di competencia ta contene componentenan di ehercicionan di forsa y resistencia, un pista di awa y obstaculo, un pista anfibico, tareanan di tiro y nabegacion.
E parti tactico ta consisti di diferente ehercicio cu ta bin dilanti, cu ta inclui acenso, persecucion silencioso, y un atake anfibico.
Tur e actividadnan cu a realisa durante Très Kolos ta actividadnan particularmente desafiante. Aki e habilidadnan fisico y mental ta keda ampliamente trata cu e fin di saca lo miho di e ekiponan den areanan deportivo, cooperacion, integracion y competencia.
E obhetivo di e ehercicio ta pa consolida y amplia ainda mas e integracion y relacionnan mutuo entre e diferente forsanan arma. Ta trata di ta ainda mas miho prepara pa e tres tareanan principal di Defensa den Region Caribe, tal manera protege e isla/paisnan Caribense Hulandes y duna yudansa di emergencia durante temporada di pasada di un horcan.




img{margin:0
auto 0 0}@media (max-width:767px){.tdi_10.td-a-rec-img{text-align:center}}
Comment