Trahado organisacion local y internacional a ricibi curso di Proyecto Erasmus+

CEDE Aruba a organisa un curso funda door di Erasmus+ cu a tuma luga na Aruba.  E curso cu a haya e nomber “CRECE” (Creation, Reflection, and Education for Community Empowerment) a tuma luga di 28 di november pa 7 di december. Un total di 40 participante na curso CRECE a bin di un total di 20 organisacion di Europa, di Caribe y di Aruba

Meta di e curso tabata pa yuda e representantenan di e organisacionnan mehora nan metodonan pa traha cu hoben y alabes pa informa mas tocante di loke ta e subsidio di Erasmus+.  E tabata un oportunidad unico pa crea colaboracionnan nobo entre e organisacionnan local y Europeo y tambe pa mehora nan capacidad pa traha den un contexto internacional. 

Pa conclui e curso, e participantenan a skirbi di nan experencianan durante di e dianan di CRECE. Aki ta sigui algun di loke nan a comparti cu nos:

“E hoben ta e co-creador di e presente’, citando un di mi entrenadonan, cu nos como hoben trahado, ta para den e frontline pa guia, train y apoya nos hubentud, scucha nan y inclui nan. Pa por yuda nan ‘Crea’ programa pa nan, ta importante pa ‘Refleha riba nan necesidadnan prome cu lansa cualkier forma di educion avansa pa empodera nan. Como un trahado hoben, mi a experiencia esaki durante mi formacion activo”, segun Chulyta Jubitana, Caribbean Education and Cultural Foundation for di St. Maarten

“Esaki tabata prome biaha cu a experiencia un programa di Erasmus +, cual a tuma luga na Aruba durante nuebe dia. Mi ta asina gradicido cu mi a haya e oportunidad pa atende e curso aki unda cu mi tabata por a cera conoci y forma un laso cu hende di diferente pais y di diferente nacionalidad. Mi tabata tin un miho comprendemento di loke ta nifica traha cu hobennan di varios pais di Union Europeo y mi a siña hermentnan nobo y eficaz cu mi mes por uza cu e hobennan di mi organisacion”, tabata palabranan di Chisela Vasquez Santos, di Heart-Centered Leadership Foundation Aruba

“Erasmus+ ta un gran oportunidad pa e hoben explora nan posibilidadnan y pa pensa mas aleu. Siña conoce cultura nobo den un ambiente no-formal y ta mas consciente di diferente acercamentonan na e retonan diario cu nos tur ta experiencia, ta empodera bo pa bira un miembro mas activo den sociedad. A largo plazo, esaki lo por trece cambio significativo den nos bida diario den e comunidad local. Door di forma parti den e actividadnan di Erasmus + ta dunabo e oportunidad pa wak un imagen mas amplio di e realidad cu ta rondonabo, sino cu tambe e ta aporta  un mirada fresco y forma nobo di afronta situacion cu bo ta wak como obstaculo na un momento concreto di bida. Acepta e posibildiad y explor’e: bo lo no arepenti,” segun Buga Bulj, Posejdon for di Croatia 

Si bo ta interesa pa haya sa mas tocante di oportunidadnan di Erasmus+ pa bo of bo organisacion, manda nos un email na [email protected] of manda nos un WhatsApp na 561-9666.