WILLEMSTAD: Trabounan di konstrukshon i embeyesimentu a kuminsá na Festival Center pa Caribbean Sun Splash Festival. E wikènt di 2 i 3 di yüni benidero ta premirá di bira unu grandi! Kòrsou ta kla pa eksperensia su promé Caribbean Sun Splash Festival ku artistanan di renombre internashonal den R&B, Hip Hop, Soul i AfroBeat. Pa apénas Naf. 91,37 ya bo tin un entrada general, pa henter wikènt! Ta na Kòrsou só bo por disfrutá di 12 artista internashonal na e preis aki- repartí den 2 dia! E pakete di wikènt ta esun mas gustá p’e fanátiko, esaki di akuerdo ku Carmela Poleon di Keycaribe i Sun Splash Events. For di den fin di siman tras di lomba a kuminsá ku detayenan parti paden i e siman aki tur esnan ku pasa parti pafó ya por kuminsá sinti e vibrashon pa e festival. Kòrsou i henter Caribe lo disfrutá un biaha mas di un tremendo espektákulo.
Programa Caribbean Sun Splash Festival
E festival lo tin su ‘foodcourt’ bon surti ku kuminda outéntiko di Ghana, Surinam,Trinidad i muchu mas di manera ku e género Afro ta keda representá. Klaro lo tin kuminda lokal tambe. Preparabu pa djabièrnè dia 2; portanan ta habri 6’or di atardi i lo presentá Icons, Irsais, Amanyea, JaRule i Ashanti. Djasabra portanan ta habri for di 1’or di mèrdia ku presentashon di diferente Dj i otro aktividatnan. Pa mas anochi Buleria, Lymie Murray, La Rouge, Mr. Vegas, Musa Keys, Gentleman i e fenomenal artista di afro-beat Rema pa sera e festival. Tambe riba djasabra lo tin un área dediká na DJ ku lo ta biniendo Kòrsou e.o Robin Roxette (NL), JP (NL), King Kambe (SXM), Dj Nova (JAM), Dj Jah (NL), Dj MBA (NL), Krokkz (CUR) i MC Chris Strick! Karchinan ta optenibel na Van den Tweel Zeelandia, 24 Uur uit De Muur Sta. Maria i Madero Boutique na Mambo Beach. Pa mas informashon di karchi i paketenan VIP por bishitá https://tibbaa.com/SunSplash.
