TRABOU PA KÒRSOU SATISFECHO KU DESAROYONAN POSITIVO DEN NOS NV NAN Aqualectra, Curoil i RDK yudando pa baha kosto di bida i aportá na medio ambiente

 

 

 

 

TRABOU PA KÒRSOU SATISFECHO KU DESAROYONAN POSITIVO DEN NOS NV NAN
Aqualectra, Curoil i RDK yudando pa baha kosto di bida i aportá na medio ambiente

Trabou pa Kòrsou TPK a tuma nota di algun desaroyo positivo pa nos pais danki na nos mes profeshonalnan.

Meskos ku tur otro hende ku ta sigui prensa, Trabou pa Kòrsou TPK por a tuma nota di e notisia ku Aqualectra Multi-Utility (AMU) lo suministrá awa sekundario. Ta bon pa ta konsiente ku Aqualectra ta sòru pa awa primario, ku por sierto ta e mihó awa pa bebe na mundu. I awa sekundario ta awa ku ta ser uzá pa laba outo, mata, spula wc, limpia ‘pool’ èts. Ta bon pa sa ku e awa sekundario no ta bai ta di mal kalidat, solamente e no ta pa bebe.

E ret di awa sekundario lo ta unu apart for di esun di awa primario. AMU lo pone e instalashon di awa sekundario na Bapor Kibrá, kuminsando ku e sektor hotelero. Produkshon di awa sekundario ta rekerí menos gastu i kímiko kual ta algu bon pa nos pais. Ta un estilo tremendo pa promové uso duradero i mas konsiente di nos awa. TPK ta kontentu ku e desaroyo aki komo e diskushon pa ku uso mas konsiente i duradero di awa ta bini hopi dilanti durante reunionnan di Parlatino.

Tambe TPK a tuma nota di e echo ku Curoil lo hasi uso di koriente di Aqualectra pa asina yuda baha nan gastu drástikamente. Manera ta konosí, CRU e kompania ku tabata suministrá koriente i energia pa Curoil, ta plat desde yüni 2022. Pa yega na un solushon e 3 NV nan di gobièrnu Aqualectra, Curoil i Refeneria di Kòrsou a yega na un akuerdo pa Curoil kumpra koriente serka Aqualectra. E esfuerso aki ta den kuadro pa yuda tene e preis di kombustibel abou.

TPK ta sumamente kontentu i orguyoso ku e desaroyonan aki. Kòrsou tin su profeshonalnan ku ta pone kos pasa.

Selikor
Ohalá un dia Selikor tambe por yega na e echo ku ta separá shushi for di na kas dor di pone kliko pa diferente tipo di shushi.