TPK TA PIDI MINISTER ENSEÑANSA ATENSHON NA SKOLNAN PA E OLA DI KALOR
Trabou pa Kòrsou TPK a tuma nota di e ola di kalor ku ta asotando nos país. Servisio di meteorológiko tambe ta sakando diferente publikashon di atvertensia di kalor. Banda di bebe sufisiente likido (awa)? TPK ta pidi minister di enseñansa pa aserka e direktiva nan di skol i chèk ku nan kon ta bayendo ku e kalor i kon esaki ta afektando konsentrashon di nos muchanan. Kisas lo ta bon pa introdusí un skema pa bebe awa o un skema pa hasi orario di duna lès mas kòrtiku mirando ku e kalor aki no ta esun ku nos a kustumbra kuné. TPK ta kere ku semper ta bon pa konsulta ku profeshonal nan, dòkter di mucha entre otro pa por tuma semper e mihó desishonnan den un forma ku e muchanan no ta wòrdu perhudika. Di otro banda pa e mucha siguí risibi su lèsnan.
