KOMUNIKADO DI PRENSA 369 /2022
31 yüli 2022
Tiramentu ku herido i detenshon
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 31 di yüli 2022 alrededor di 16.37’or, Sentral di Polis a risibí informashon ku
tabatin un tiramentu ku a tuma lugá na vèlt di Muizenberg i ku tin un persona heridá.
Na yegada di e unidat polisial, el a komprondé ku ya kaba e víktima a keda transportá den
un outo partikular pa sala di emergensia di C.M.C.
E víktima a sufri un herída na altura di su kustia.
Kontinuando ku e investigashon, un unidat a señalá e outo den kua e sospechosonan tabata
i a kuminsá un persekushon.
Den Bermudaweg polis a logra para e vehíkulo aki i a detené kuater hòmber.
Ta trata di e hòmbernan:
A.V. di 26 aña di edat;
J.M. di 27 aña di edat;
E.P. di 31 aña di edat;
A.V.C. di 28 aña di edat, tur nase na Venesuela.
Tambe polis a bin topa den e outo un revòlver kargá ku 6 bala skèrpi mas 12 bala skèrpi i un
kantidat limitá di mariwana, ku a keda konfiská.
A presentá e kuarteto dilantin di un fiskal ouksiliar ku a ordená nan enkarselamentu
pendiente di mas investigashon.
