Thomas Ruiz (VRA): Pueblo no ta na altura di e reglanan di trailer den trafico

Siman pasa tabatin un incidente caminda cu tabatin un truck a daña cu un trailer na dje, cu un forklift riba dje, net riba e subida cerca di e muraya di e refineria, unda cu el a bay atras  a blokia full e caminda, cual ta sigur un situacion peligroso.

Segun Thomas Ruiz, presidente di Vereniging Rijscholen Aruba (VRA), loke por a constata ta cu e falta di conocemento. Por a ripara tambe cu esaki ta trece su efectonan. Hopi hende no ta compronde kico ta un trailer y kico e trailer mester tin.

KICO TA UN TRAILER (AANHANGWAGEN)

Un aanhangwagen of un trailer, ta un vehiculo cu un conexion fiho cu ta getrek pa un vehiculo di motor. Esey ta loke ley ta bisa, cual Ruiz ta stress riba dje.

E CONEXION FIHO

Bo ta haya e bol y e haak cu ta interconecta cu otro, cual ta lock. Of ta haya trailer cu un pida hero cu un buraco den dje y e conexion ta un otro hero, cera pa un schroef. E mester ta di tal manera cu e no ta tril, cu e por los.

Tin dos tipo di aanhangwagen. Bo ta haya un grandi y un chikito, cual ta separa door di peso, sin carga den dje. Te cu 400 t’e aanhangwagen chikito (trailer chikito) cu por lastra cu e vehiculo di motor, sin tin nodo di rijbewijs categoria E.

E aanhangwagen riba 400 si mester di un rijbewijs di categoria E. E problema cu tin aki ta cu mayoria di trailer ta cos traha con cu ta. Ta haya por ehempel mita auto of mita bak’i pickup. Of tambe por haya algo traha na cualkier weldershop, ta un trailer. Pero si mira e trailer cu ta referi den ley, ta bin cu plachi y tur informacion necesario, kico t’e maximo peso cu e por lastra, cual sigur ta sinti falta na dje.

Lesa mas den TREMPAN.