Tech Shack cu tremendo campaña di fin di aña

Nos ta den pleno temporada di fin di aña y asina tambe Tech Shack a cuminsa c’un campaña specialmente pa fin di aña, specialmente p’e muchanan.

E campaña ta encera cu cada compra di un bicicleta di size 12” pa 20”, di marca Huffy, e cliente su nomber ta bay den un tombola. Na fin di aña, e ganado ta haya e balor di e bicicleta bek y na placa cash. Tommy Pietersz, Manager na Tech Shack, a splica cu e bicicleta Huffy size 12” pa 20” ta specialmente pa mucha di 3 pa 4 aña, tur cos ta depende di con lihe ta siña maneha e bicicleta, e lo por bay te cu 12 pa 14 aña. Huffy ta un bicicleta di calidad halto, pa cual Tech Shack ta contento di por duna un aña di garantia riba e bicicletanan aki. Tambe e cliente ta haya descuento na ora di cumpra acesorio hunto cu e bicicleta. Ta recomendabel p’e mucha tin helm, pads bisti pa su siguridad na momento di bay core bicicleta.

Tech Shack tin tambe variacion di bicicleta, di muchanan cu ta gusta BMX, crossbike, mountain y roadbike, unda cu e mucha por bay den deporte cu ta encera careda. Tambe nan tin acesorio p’e muchanan cu ta cuminsa siña core bicicleta, si acaso nan bicicleta no ta bin cu e asina yama ‘training wheels’, esaki tambe ta obtenibel na Tech Shack. E campaña special di Tech Shack ta cuminsa desde awe 31 di october y ta bay te cu 31 di december. Nan lo saca e ganado despues cu aña habri.

Tommy Pietersz, Manager di Tech Shack a extende un invitacion special n’e cliente pa bin tira un bista n’e surtido amplio di bicicleta cu ta obtenibel na Tech Shack. E campaña aki ta cay tambe net bon pa e temporada di Sinterklaas, caminda cu e mayornan por probecha di e campaña pa asina bin cumpra e bicicleta pa nan yiunan, como tambe e acesorionan necesario p’e siguridad di nan yiunan.