News

Te dialuna nan tin cita: Trahado malcontento na STR Agriculture


.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img img{margin:0 auto 0 0}@media (max-width:767px){.tdi_9.td-a-rec-img{text-align:center}}

No ta prome biaha cu a surgi malcontento entre e trahadonan di STR Agriculture na Alto Vista. Algun luna pasa 24ora.com/TREMPAN a presenta pa un situacion similar caminda varios trahado tabatin un malcontento p’e trato cu nan tabata haya na pia di trabao.

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img img{margin:0 auto 0 0}@media (max-width:767px){.tdi_8.td-a-rec-img{text-align:center}}

Awo tin otro dos trahado cu actualmente ta malcontento y a sali for di e luga, pasobra nan tabatin diferente reclamo y kier pa comunidad haya sa di esaki.

Ta trata aki di Jhonatan Ustariz y Francisco Alberto Rodriguez Blanquicet.

Ustariz ta conta cu basicamente ta promesa cu nan ta haci y no ta cumpli. Desde cu nan a cuminsa traha, a bisa e trahadonan aki cu nan tin derecho riba hopi cos. Pero na momento di aplica nan, nan no ta haci esaki. Nan ta traha for di 7:00 am te cu 5:30pm y hopi mas. Tin momento cu nochi ta cera y ainda nan ta traha.

https://www.facebook.com/24ora/videos/1231808844636975

Tambe Ustariz ta resalta cu nan tin un colega cu ta na Colombia, cu e compania a manda di “vakantie” cu promesa falso. A bis’e p’e bay Colombia y despues bin bek. Pero no ta dun’e e compensacion p’e bin bek, ni nada. Nan tin e den incertidumbre y e trahadonan no sa kico pa haci cu e proceso.

https://www.facebook.com/24ora/videos/453269354539830

E dos trahadonan aki tin nan documentonan paga. Tur cos ta na ordo. E permiso di labor cu nan mes ta paga, tambe nan tin, unda cu ta haci descuento di e mesun pago di salario, nan ta kita nan pago di cuminda, permiso y tambe nan alohamento.

Di parti di Francisco Alberto Rodriguez Blanquicet, e ta desea pa divulga esaki, pasobra nan no sa kico por pasa cu nan. Te aworaki nan no sa unda pa bay. Diripente e comunidad por duna un man tambe.

Francisco Alberto ta sigui conta cu diahuebs nan combersa cu e doñonan y a bisa Ustariz cu su permiso ta vence dia 2 awo y no lo bay firma mas p’e. Ora cu nan ta desconta e placa tres luna prome, pasobra nan lo a bay cuminsa cu e proceso di e di dos firma. Awo diahuebs ta bis’e cu nan no por firma mas p’e y cu e mester bay. Nan mes ta cumpra ticket y sac’e di Aruba.

El a bay di vakantie caba y awo e tin 1 luna y mey cu e ta bek. E permiso e tin e paga tres luna atras. Esey ta pa duna e compania e potestad pa link e n’e proceso. E compania kier p’e bay sin ningun motibo.

No ta un misterio cu nan no kier e trahado aki. El a yega di bisa algun trahado cu Ustariz ta “basura” y cu e no kier e n’e compania.

E trahadonan a puntra si nan ta traha malo y a cuestiona dicon ta considera e trahado aki como “basura”. Pakico kier sac’e. Ora e sali di vakantie, e placa di vakantie ta descont’e di e permiso pa cuminsa cu e proceso. Nan no ta pag’e su vakantie. Ustariz a bin Aruba riba su mes, prestando placa pa bin. Awo cu e ta na Aruba, a bis’e cu nan no lo firma mas p’e. Y riba dje, nan kier sac’e inmediatamente. Tur loke nan lo dun’e ta su pasashi.

Awo e trahadonan aki ta exigi nan derecho.

E situacion aki ta similar na uno cu a sosode den pasado y pa colmo nan ta di e mesun grupo di e trahadonan perhudica. nan ta un total di 5 persona, di cual 1 di nan ta na Colombia.

Segun Francisco Alberto, e kier traha, e kier mantene su famia. E ta wardando pa e compania firma e di dos permiso p’e bay y bin bek p’e traha. Awo nan ta sali cu e problema aki.

A priminti e trahadonan aki un sin fin di cos. Cu cos lo cambia y cu e salario lo subi. Pero na fin di dia nan a hiba nan Keiro algun dia pa e comunidad mira cu nan ta bon.

Awo nan ta bayendo labor y entrega nan papelnan.

Cu e situacion cu nan ta aden awor aki, nan no tin ni auto ni luga di keda, mirando e situacion.

Ta pa e motibo aki nan ta pidi sosten di comunidad, ta trata aki di un situacion fastioso. Pa colabora por tuma contacto cu Jhonathan via WhatsApp na 301-707-7883 of tambe na 7469306.

Sigur un situacion hopi desagradabel na STR Agriculture na Alto Vista. Den pasado tabatin indicacion cu tabatin hopi malcontento. A combersa cu varios di trahadonan cu nan a conta nan banda di medaya. Di parti di e doño di e luga a laga sa cu e no a haci nada malo. A resulta cu tabatin hasta un coordinado di minister envolvi pa loke ta diferente papeleo cu a tuma luga, p’asina aki e personanan aki por a haya nan documentacion.

Te asina leu, no a haya declaracion di parti di e propietario di e empresa.

DESAMPARA

Ustariz y Francisco Alberto awo ta desampara. Nan a presenta na Departamento di Labor pa haya como sorpresa cu no ta atende cu nan, sino te dialuna. Awo, sin luga di keda y sin placa, nan no sa kico lo ta nan destino, ni con nan lo come p’e fin di siman aki, ya cu tur nan pertenencia ta riba e tereno di STR Agriculture y literalmente a cera porta pa nan lagando e dos trahadonan aki sin nada.

Pa 9:00 am, lo atende cu e dos cabayeronan ki pa motibo di falta di Personal na Departamento di Labor.

Mientrastanto na STR Agriculture, ta nenga di para responsabel p’e dos trahadonan aki, cu no ta nan problema. Por yuda nan cu e trabao, pero no cu estadia. Aworaki nan no sa con nan lo haci.

Manera nos a menciona mas ariba den e articulo, comunidad por duna un man  door di duna nan un luga di keda pa awo pendiente pa nan cita dialuna. Por yama nan na 7469306.

Cualkier ayudo lo ta mas cu bonbini. E dos trahadonan a haci nan  denuncia caba di inhusticia laboral contra nan door di nan dunado di labor, pero lamentablemente Departamento di Labor no a atende cu nan pa motibo di falta di personal.

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img img{margin:0 auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *