News

Ta reta integridad di Grant Thornton Aruba: Accountant a demanda otro den corte

.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img img{margin:0 auto 0 0}@media (max-width:767px){.tdi_9.td-a-rec-img{text-align:center}}

Diaranson dia 6 di november 2024, ta tuma luga un caso masha interesante den Corte di Prome Instancia di Aruba, entre un grupo di profesional cu ta retando otro awo riba nan integridad! Resultado di e caso lo ta devastador si acaso hues duna un di e partidonan rason cu tin accountant na Aruba ta “altera” of “cambia” cifranan esencial den un rapport di cuenta anual. Pio ainda cu lo a altera e cuenta anual di e mesun Oficina di Accountant, cu awo mester paga nan socio un suma pa sali for di e sociedad.

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img img{margin:0 auto 0 0}@media (max-width:767px){.tdi_8.td-a-rec-img{text-align:center}}

E demandante ta e conocido accountant Edsel Lopez, cu pa hopi decada a dirigi e compania aki cu a cambia di nomber na mas di un ocasion. No por kita for di bista cu e gran mayoria di e clientenan na e oficina ey a bin door di e mesun Edsel Lopez, un Rubiano bon prepara y cu amplio experiencia. Awe e mesun cara conoci di Dakota mester subi trapi bay hues pa lucha pa su propio derecho, acusando e accountant di Grant Thornton di a cambia cifra di e compania djis pa pag’e menos den e pakete di separacion. Si sali na cla cu e compania mundialmente conoci a faya den integridad, cu lo por spera consecuencia grave pa tur envolvi, incluyendo perdemento di licencia pa por actua como un registeraccountant.

E team di abogadonan

Ta trata aki di e caso numera A.R.AUA202402884AR cu deurwaarder Bernard Roos a entrega  na ambos partido pa invita nan pa e caso di dia 6 di november 2024. Mester menciona cu abogadonan mr. Ronnie Wix y mr. Lianne Keteldijk-Pieters lo representa accountant Edsel Lopez den e caso aki, cu ta mustra di lo bira historico!

E demanda

Edsel Lopez, siendo ex-socio di e accountantskantoor renombra, Grant Thornton, a entama un caso contra su ex-socionan pa motibo cu e ta di opinion cu a manipula e cifranan cu e accountantskantoor aki a produci, den cual e ex-socio tambe lo a haya parti di e ganashi. A manipula e cifranan di tal forma cu e accountantskantoor, cu semper tabata gana placa, den e aña cu e socio a retira, diripiente a “perde placa”.

Como tal, e compania Prosperitas Accounting and Consultancy NV hunto cu Edsel Lopez, cu tabata doño di 33.3% di e accionnan di Grant Thornton Aruba ta demanda Valorula VBA, cu ta e compania cu ta maneha Grant Thornton Aruba. Tambe ta demanda Valorula Services VBA cu ta maneha Grant Thornton Services Aruba. Tambe ta demanda Ymert Belasting Adviseurs N.V. di Hans Ruiter, doño di 33.3% di e accionnan di e compania y Revolve Advisory VBA di Rachel Maduro, tambe doño di 33.3% di e accionnan di Grant Thornton Aruba.

Edsel Lopez no ta socio mas y cifranan a cambia

Dia 30 di juni 2023, Edsel Lopez a sali for di e compania, unda tabatin tres socio doño di e accionnan. Na momento di su salida, a presenta problema cu e cifranan presenta di aña 2022 y 2023. E diferencia di opinion entre e tres socionan, di cual Lopez ta e unico registeraccountant, ta specificamente riba seis “post”.

A inventa gastonan fantasma

Grant Thornton Aruba, den nan afan pa laga aparenta cu e compania a perde placa pa asina no duna Edsel Lopez ningun dividendo, a dicidi di agrega cu nan tin cu warda fondo pa un posibel caso huridico cu lo tin cu bin ainda, di un suma di Afl. 100.000,00. Tambe nan tin pensa di kita dos trahado for di trabou y pa e “golden handshake” ya nan a aloca un presupuesto di Afl. 350.000,00. Parce cu Serlimar debe nan y a kita Afl. 47.000,00 di e cuenta. A crea un otro “voorziening” pa “onderhanden werk”, sin splica detayadamente kico nan ta referi na dje, di u otro Afl. 72.750,00. Y asina ta bisa di a hala placa un banda pa paga belasting y pa assurance, pero tampoco sin specificacioj, etc. Si conta tur cos hunto, ta un suma di mas di 600 miml florin tin aki den wega, cu si partie den tres, lo traduci di como 200 mil florin cu awo ta nenga di paga Edsel Lopez na dividendo.

Manipulacion cu cifranan oficial certifica pa accountant

E ex-socio lo ta di opinion cu ta pa malo a baha e ganashi djis pa e ex-socio aki no tin ningun ganashi. E caso aki ta peculiar pasobra un ex-socio ta demanda Grant Thornton pa ta manipulando cu cifra, si hasta un ex-socio, cu ta un registeraccountant renombra ta demanda su ex-socionan pa ta traha cifranan ficticio, ta con otro cliente por confia cu Grant Thornton ta traha cifranan drechi pa nan.

Henter gerencia tin cu duna cuenta

Henter e management team di Grant Thornton Aruba ta altanto di e discusion aki cu e ex-socio. E management team ta consisti di Rachel Maduro, yiu di Sho No Maduro (cu ta den hunta di comisario di varios compania estatal), Hans Ruiter cu ta miembro di Raad van Advies, Lorena Maduro, Shelby Maduro y hasta Chantal Loefstop, cu por cierto tambe ta un registeraccountant.

Ta bon pa menciona cu Hans Ruiter ta e socio cu algun aña pasa, burachi den marduga, a drenta Caya Grandi cu no a habri ainda y a subi e trambaan y awor ta miembro di Raad van Advies. E pregunta ta, si locual ta pasando awor ta etico y integro y ta con Raad van Advies ta mira e desaroyo aki awo?

Registeraccountant ta core riesgo di perde lisencia

Como registeraccountant y alabes miembro di management team, conforme e reglanan di registeraccountants na Hulanda, e registeraccountant miembro di e management team mester a tuma un posicion mas fiho den henter e preparacion di e cifranan aki. Nos ta masha pendiente di con Centrale Bank ta mira esaki y si e ex-socio lo lanta un caso tambe na Tuchtraad na Hulanda contra e registeraccountant Chantal Loefstop.

Defensa di Lopez kier destrui e cuentanan anual

Abogadonan Wix y Pieters, den nan demanda na Corte, ta pidi pa hues destrui e cuentanan annual di añanan 2022 y 2023 presenta di dia 13 di februari 2024 pasobra nan no ta cumpli cu norma y reglanan general di administracion y accountancy. Ta exigi esaki pasobra door di uza practicanan maligno, a afecta Lopez den forma negativo. Tambe ta exigi pa hues ordena e dirigentenan di Grant Thornton Aruba pa saca e seis “postnan fantasma” for di e cuentanan anual, trah’e di nobo y present’e bek na Lopez pa aprobacion.

Mester tin hopi rosea

E tipo di casonan asina no ta cuminsa y caba mesora. Nan ta conoci pa ta dura añanan largo. P’esey mayoria biaha hues ta conseha partidonan pa uza e caminda di “mediation”. Pasobra na november lo no por spera batayanan legal den sala di corte, sino mas bien entrega documentonan y warda 8 siman cada biaha prome cu por sigui atende e caso. Ta casonan di cual ta spera di yega na un sentencia entre seis luna pa un aña di tempo. Aunke mas e dura, mas e interes riba e suma cu lo mester paga e otro partido ta sigui core, sin conta e daño ireparabel na reputacion di e accountantnan envolvi den e asunto serio aki!  

Tocante Edsel Lopez

Edsel N. Lopez ta un persona respeta y conoci na Aruba. E tin un historia exitoso di hopi aña di experiencia den assurance and advisory business door di traha cu cuater di esunnan di mas grandi di Hulanda y Caribe Hulandes. E ta conta cu un bachelor’s degree den “Information Technology and Economics” di e Universidad di Eindhoven, Hulanda y e tin un Master’s Degree den “Administrative Information Science” cu el a obtene for di Tilburg University na Hulanda. E ta un Dutch licensed certified public auditor (RA) y a traha pa PricewaterhouseCoopers (PwC) na Hulanda y Caribe Hulandes.

El a bira e prome partner Rubiano den e oficina di accountant PwC di Caribe Hulandes na aña 2001. Den e funcion aki el a fungi tambe como territory senior partner pa PwC den Caribe Hulandes. E tabata involucra den diferente proyecto den e sectornan grandi, tanto di gobierno como priva. Su experiencia specifico ta den e areanan di: mercado industrial, turismo, horeca, banco, seguro, telecomunicacion, comercio, empresa grandi y chikito, gubernamental y semi-gubernamental.

Tocante Gran Thornton Aruba

Grant Thornton Aruba ta forma parti di e netwerk di firma miembro di Grant Thornton International Limited. Grant Thornton ta un oficina lider di servicio di audit, belasting y conseho. Cu oficinanan na Aruba, Boneiro, Corsou y St. Maarten y mas o menos 180 empleado entre tur isla, nan tin un presencia importante den Caribe Hulandes. Nan ta supose di aplica guia tecnico cu amplio experiencia pa garantisa cu clientenan ta ricibi un experiencia berdaderamente diferente. Door di traha estrechamente hunto den nan liñanan di servicio, por ofrece clientenan e balor agrega cu nan ta buscando.

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img img{margin:0 auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *