Ta posibel pa “claim’ daño na auto causa pa caminda kibra 

Si tin algo, cu e awasero ta trece cu ne, ta e problem’i asfalt gechip aki aya den tur bario of den caretera principal. Aworaki Aruba ta den temporada di yobida. Naturalmente yobida sigur ta algo bon pa nos naturalesa. Sinembargo e ta desbentahoso pa nos careteranan.

Rachelle Croes, Hefe Financiero di Dienst Openbare Werken (D.O.W.), a comenta cu tin posibilidad p’e doño di auto por “claim” daño na su auto debi n’e camindanan kibra. Por ehempel por haya scheur of buraco. Esaki en berdad e vehiculonan por sufri daño. Sea ta un chip n’e taira of e vehiculo mes.

P’esaki na momento cu e sosode, ta recomenda tur usuario pa yama Forensys pa por haci un opname di e daño. Tambe recomenda pa tur esaki, si por, haci un opname cu potret p’esaki tin evidencia. Na momento cu haci un ‘claim’ na DOW, ta yena un formulario, ta bin cu e rapport di opname y si tin rapport pa ‘onderbouw’ loke a sosode, e ora ta tuma esaki p’e por bay den e schade commissie. E schade commissie aki ta consisti di cuater persona, dos tecnico, un persona financiero y un hurista. E persona financiero ta mira e cuadro financiero y e hurista ta mira e parti huridico.

Prome cu yena e formulario, e ta bay p’e comision, e comision ta sinta un biaha pa luna y ta delibera riba cada situacion.

Nan ta tuma un decision hunto y esaki, sea e por ta positivo of e ta negativo. Na momento cu e ta positivo DOW ta manda un carta p’e persona cu su auto a sufri daño pa notific’e cu DOW a bay di acuerdo cu e peticion. Den caso cu ta un gasto mas di 5 mil florin ta pasa esaki p’e seguro di DOW. Pa e relato completo lesa TREMPAN.