Ta pidi ayudo: Chando Colina cu complicacion serio na Colombia

E conocido locutor y promotor di fiestanan ‘Back to the 80’s Chando Colina actualmente ta na Colombia. Colina a biaha riba su mesun gasto pa asina purba salba su pia. Na Aruba a informe cu mester corta e pia. Colina no kier a accepta esaki y a biaha pa un di dos opinion. Sinembargo na dado momento e la bira hopi malo y a bin resulta cu un bacteria peligroso a drenta su curpa. Esaki a drenta via di e katheter cu e tin pa por dialisa. Segun Colina a splica den un video riba facebook, e mediconan a informe cu si e bacteria yega na cu curason e lo por tin consecuencia fatal pe. Durante e video na varios ocasion, lagrimanan tabata sali for di su wowo. Debi cu e gastonan medico a bira hopi halto, Colina ta hasi un yamada na comunidad di Aruba pa por yudele cu maske ta 1 florin. E ta comenta cu no ta su custumber pa pidi placa pero e situacion a bay for di man pa loke ta e gastonan medico cu e no a premira. Aki por mira e cuenta di banco cu por hasi donacion. Chando Colina su nomber mes ta Alexander Ridderstaat. E nomber Chando Colina ta su nomber ‘artistico’.

Aki por mira e Live Video for di hospital na Medellin Colombia.