Ta importante pa ta na altura di Dia Internacional Contra Traficacion di Hende

En conexion cu fecha di dia mundial di traficacion di hende, a acerca mr. drs. Jeannette Richardson-Baars, Coördinatiecentrum Mensenhandel Mensensmokkel Aruba ( CMMA) cu a duna un splicacion di e colabroracion estrecho cu tin entre United Nations Office on Drugs and Crime (UNODC) y su departamento na Aruba.

Richardson-Baars a indica cu no mucha tempo atras, nan a forma parti di un training riba traficacion y contrabando di hende. Ta subraya tambe e importancia pa tin mas atencion riba e topico pa asina por combati e fenomeno aki miho caba biaha.

Den Reino ta uza un otro fecha pa concientisacion di e crimen aki, cual ta 18 di october y cu ta bira un fecha caminda nan lo enfatisa mas y por spera actividad den comunidad relaciona cu e topico.

A indica cu lo mira un siman di evento, actividad y training pa asina concientisa y brinda informacion na pueblo. Mundialmente ta celebra un fecha diferente pero na Aruba nos lo haci esaki riba fecha cu Reino ta propone semper.

Riba e terminologia di mensenhandel y mensensmokkel a haci e pregunta na mr. drs. Jeannette Richardson-Baars con por diferencia e dos crimennan aki for di otro. Aunke e ta bay slow, mirando cu e terminologia no ta simpel asina mes ta mira cu mas y mas e comunidad a cuminsa compronde kico ta e diferencia, kico ta e indicadonan di traficacion di hende pa asina traha riba cada caso.

Traficacion di hende ta un delito contra derecho human

E ta un elito caminda ta papia di sclavitud, caminda ta kita derecho di e ser humano y poni bou situacion di sclavitud y no por dicidi riba su mes, ta atacha su derechonan y no tin derecho pa cana liber manera e kier of no ta haya pago priminti of tin cu biba den un situacion cu no ta acceptabel

Contrabando di hende/ mensensmokkel

Contrario na ‘mensenhandel’, esaki tambe ta un delito pero den e crimen aki no tin un victima. E persona cu ta haye den e situacion aki, transporta, a bay den un acuerdo cu un otro persona pa e biahe/transportacion ilegal na e momento ey. Contrabando di hende en general ta un delito contra e pais como cu e tin di haber cu migracion.