MINISTERIO KONSERNÍ HUSTISIA
STUDIANTENAN DI MIL A ENTREGÁ PAKETE DI PASKU NA KLIENTENAN DI SDKK
PUBLIKÁ RIBA 22 DESÈMBER 2022
WILLEMSTAD – Resientemente Sentro di Detenshon i Korekshon Kòrsou a risibí un bunita gesto di studiantenan di Maria Immaculata Lyceum (MIL).
Den kuadro di e temporada di Pasku, dosente i studiantenan a hasi un bunita proyekto kaminda nan por a trese kosnan di Pasku i tambe pa uso personal di forma ku por a traha diferente paketenan di Pasku. E meta final tabata pa hasi entrega di paketenan di Pasku na e klientenan hóben ku ta enkarselá i tambe klientenan di ménos rekurso. E proyekto akí a keda inspirá for di e versíkulo di Beibel den Mateo 25:31-46.
Na e okashon akí tabata tei presente tres studiante di MIL i dosentenan Kwidama i Plantijn, Hefe Operashonal señora Daantje, Bosero di SDKK, señor Pinedo i señora Llewellyn di guia di Aktividat. Tambe señor Benita, hefe di Departamento di Korekshon i Direktor Suplente di SDKK, señor Ricardo, ku na nòmber di gerensia di prizòn i tambe e klientenan a gradisí MIL pa e bunita gesto.
