Studiante di EPB Oranjestad y San Nicolas a participa den intercambio di Erasmus Plus

Cu proyecto di Erasmus Plus, cual ta un proyecto di Union Europeo, ta haci intercambio cu e scolnan di Horeca na Gent Belgie, unda cu e studiantenan ta bin Aruba y Corsou. Ta haci esey pasobra nan ta bin pa siña nos cultura y cushina diferente tipo di plato. Despues ta caba cu un buki di receta di ambos pais y ta publica esey. Pa e muchanan di EPB esaki ta un gran experiencia pa no solamente siña conoce un otro pais y cultura, pero tambe pa expande nan conocemento den cushina. Pa dos siman ta na Belgica pa 2 siman y Erasmus Plus ta cubri e gastonan.

Diaranson nan a bishita un scol na Gent, cu ta Duo2. E tabata hopi diferente cu e scol cu nan a bishita caba. E grupo di Corsou a cushina funchi cu bacalou, keshi yena cu aros y salada, quesillo y fruit punch di oregano. E alumnonan di EPB a asisti durante preparacion y cushinamento. E alumnonan tabata hopi structura, disciplina y avansa. “Nos por ta sigur orguyoso di nan prestacion y di mes di nos docentenan cu ta guia nan.”

A tene un rondleiding na scol Duo2, unda a haci aactividad di Teambuilding. Aki pa un ora mester a cumpli cu 24 diferente opdracht! Un actividad hopi interactivo pa e alumnonan di Aruba y Corsou. Merdia e alumnonan a participa na tres kookworkshop: Aruba, Vlaams y Indonesisch. Esaki a analisa pa 4:00 pm.

Tur anochi ta purba evalua con e dia a bay, nan ta yena logboek cu nan a haya di e scol. E alumnonan di EPB ta haciendo nan maximo. E siman tabata uno hopi intensivo, pero sigur hopi educativo! E grupo di Aruba y Corsou a click hopi bon cu otro. Hopi grandioso pa mira con bon nan ta trata otro y cera amistad nobo.

Diabierna tabatin workshop di un sommelier cu a cuminsa 9:00 am. Aki a purba 7 biña di diferente region. Lunch tabata vol au vent y frites. Despues cu a yega formulario di evaluacion di e siman aki, e siguiente caminda pa bay ta brouwerij di cerbes.

E ta asina fantastico con e muchanan ta bayendo cu otro, di EPB Oranjestad y San Nicolas, pero tambe cu esunnan di Corsou. Diamars cu e muchanan di scol di hotel. Na DUO si e alumnonan no a echt participa, pero e tabata mas un interaccion entre Aruba y Corsou.