Storia conmovedor di relacion cu e clientenan di Que Pasa Restaurant & Winebar

Como restaurant na servicio di comunidad desde mas di 30 aña den centro di Oranjestad, Que Pasa Restaurant & Winebar tin e suerte di a establece relacion cu hopi di su clientenan, cu a converti den su famia a lo largo di e añanan.

Un di nan ta Tom y su casa Linda, cu tin 18 aña ta bishita Que Pasa Restaurant & Winebar, cada biaha cu nan bin Aruba pa nan estadia di tres luna.

Tom y Linda ta fiel cliente di Que Pasa Restaurant & Winebar, comiendo tur siman riba diamars y diasabra pa disfruta di nan pairing semanal di cuminda y biña. Pero nan bishita di aña pasa na november, tabata particularmente special.

Durante un combersacion cu nan waiter, Luis, Tom a haya sa cu nunca Luis a experimenta cu sneeuw. Como cu nan a caba di yega fo’i New Yersey, nan estado, Tom kier a comparti e sneeuw maraviyoso cu Luis.

Asina ta cu durante nan bishita di e aña aki, Tom a trece un regalo special y unico pa Luis: dos bala di sneeuw cu nan a hinca personalmente den un saco special y treci fo’i New Jersey pa Aruba. Luis a sintie emociona p’e gesto asina considera y no por a kere cu un huesped a tuma e molester pa hacie sinti aprecia.

E storia conmovedor aki ta un testimonio di e tipo di conexion cu por establece entre e clientenan y e waiternan di un restaurant. Na Que Pasa Restaurant & Winebar, come ta algo mas cu saboria e cuminda: ta trata di crea un experiencia cu ta fomenta vinculo genuino y recuerdo inolvidabel.

E storia di Tom y Linda ta solamente un ehempel di e tipo di relacionnan cu por establece cu e clientenan a lo largo di e añanan.

Que Pasa Restaurant & Winebar ta gradici e oportunidad pa sirbi e comunidad y crea vinculo cu ta dura pa semper. Que Pasa Restaurant ta invita bo pa join nan y experimenta e tipo di hospitalidad y calidez pa cual nan ta conoci.

Pa mas informacion riba Que Pasa Restaurant & Winebar, bishita www.quepasaruba.com.