St. Rosa College ta organisa un Siman Contra Termento

Dialuna a tuma luga un ceremonia di conscientisacion relaciona cu nan Siman Contra Termento.

Cu e ceremonia kier a crea consciencia e muchanan cu termento no ta bon, no ta aceptabel y cu mester trata otro cu respet y yuda otro. Tabatin diferente sketch, unda cada luna a reparti den diferente klas. E luna aki tabata den klas 6 y e nan a haci un sketch di e diferente manera di termento, sea verbal of fisico, pa conscientisa e muchanan cu tin diferente manera di ter y cu e no ta aceptabel, juffrouw Amarilles Calle, Remedial Teacher y Lider di Proyecto Contra Termento a bisa.

E celebracion a cuminsa dialuna, 5 di september, unda cu henter e scol a bin hunto y haci e conscientisacion y parti atardi a reuni riba e speelplaats unda cu lo forma un curason pa asina mustra Aruba cu nan ta contra di termento.

Diamars e conscientisacion ta sigui unda cu e muchanan lo bisti un pechi cu ta mustra cu nan ta contra di bully, diaranson nan mag di trece un potret of poesia pa un amiga of amigo. Diahuebs nan lo bisti nan mea di tur color, pa demostra cu nan ta contra di termento y diabierna, lo bisti na heroe, contra di termento. Ta un siman di locura pero diabierna un biaha mas ta bin hunto pa asina wak si e muchanan di berdad a siña of compronde tur e partinan aki contra di termento.

Pa un relato mas amplio, lesa TREMPAN.