Sospechoso di tiramento: A detene Shannon Williams na su cas den Mabon

E homber cu a tira e persona y hunto cu un dama y un chines kier a likida e victima riba tanki, ta den man di autoridad. Nan a busk’e y a topa cu ne na su cas na Mabon pabou di SPO. El a bisa mesora cu e tabata traha riba auto y a admiti cu e tabata cu un dama y un chines.

Polis a haya solamente e sospechoso Shannon Williams.

E mama a altera y bira malo y a pidi pa ambulance y slachtofferhulp pa atende e mama. Un yiu ta echa baina hinca mama den un situacion fastioso. Nan intencion pa likida e homber riba tanki di Savaneta a fracasa pasobra el a logra bula di e auto. Asina mes el a haya un tiro na custia y e bala a causa, cu na dado momento el a cuminsa perde conocemento.

Polis a yega pa tog logra haya sa ken a tira y cu nan tabata den un Mark X color blanco. Prome bishita na cas no a topa cu e sospechoso Shannon Williams cu ta conoci di polis. Den di dos bishita si a topa cu ne. Awo mester saca afo kico a causa cu nan tres kier a bay hunto pa likida e otro homber riba tanki di Savaneta diaranson anochi banda di 8or.