SKOA a perhudica e werksternan cu adaptacion unilateral di salario

“Nos kier igualdad”, esey ta loke e trahadonan di SKOA, conoci como werkster, ta pidi den un caso sumario cu nan a cuminsa den corte contra SKOA.

Desde entrante prome di augustus ultimo, den un forma unilateral, SKOA a dicidi di haci adaptacion, esta baha nan entrada. Asina por ehempel a baha salario minimo di e trahadonan. Ta keda cu e vakantieuitkering, pero demas prima y compensacion cu nan tabata haya antes, a kita nan for di prome di januari 2015.

Por menciona entre otro e voorjaarpremie, e najaarpremie, e reparatietoeslag. A kita tur. Nan a perde tur esey. Banda di esaki a perde e seguro di AZV+, y mas importante ta, cu nan ta miembro mas di APFA. Tur esaki ta perhudica e werksternan. 

E reduccion den salario tabata di 13%, mientras cu en general e forma cu a afecta nan ta 21% en realidad. Tin di e werksternan aki cu tin yiu chikito, menor di edad, tambe tabata haya kindertoelage. 

Werksternan den Corte contra SKOA pa nan salario corta

Werksternan den Corte contra SKOA pa nan salario corta. https://24ora.news/3dl4HUT

Posted by 24ora on Thursday, September 15, 2022

E echo cu gobierno a trece un cambio den e forma cu ta duna subsidio na SKOA y ta bisa cu e werksternan no ta cay bao di exploitatiekosten, sino boi di subsidio di salario pa personal, ta un problema cu nan ta kere ta responsabilidad di SKOA y no di gobierno.

Pa 7 aña nan a haya pago di un forma y di e forma ey nan kier sigui ta paga.

Pa un relato mas amplio, lesa TREMPAN.