Situacion di personal na Serlimar ta complica

Papiando tocante e situacion actual na Serlimar, e minister encarga, Ursell Arends a bisa cu a institui un comision cu e tarea di duna un conseho na gobierno. Ta bon pa tur hende ta na conocemento cu Serlimar ta e unico instancia cu a permiti pa 17 aña largo tin ambtenaar eynan cu ta ter beschikking. E ultimo instancianan cu a conoce un situacion similar tabata Setar, Ansa y ATA.

Tur esaki tabata parti den departamento di gobierno cu un bes a bira un NV of bira Sui Generis, e trahadonan tabata tin un termino pa dicidi si ta arbeidscontractant of nan ambtenaar. Na Serlimar esaki a keda 17 aña largo y ningun hende a para keto pa atende cu ne awor akinan.

E comision institui ta consisti di diferente departamento di gobierno, manera DWZ, DRH, un representante di Serlimar mes, un di Directie Financien y un representante y un hurista di e ministerio. E tarea ta pa bin cu un conseho pa comparti cu Hunta di Supervision di Serlimar y tambe gerencia, cu na su luga mester bin cu un periodo defini pa e personanan dicidi si nan ta bira un arbeidscontractant of ta yega na un tipo di solucion cu Serlimar.

Consciente di e situacion cu tin caminda tin un personeelstop, no por sigui tuma hende den e aparato publico y esey ta loke nos ta trahando riba dje. Serlimar ta un compania di surseance van betaling. Minister Arends a splicacu tin tres tipo di empleado na Serlimar. Tin arbeidscontractanten, tin ambtenaar y tin e ploegnan y cada un di nan a duna nan alternativa pa asina ey sigura un cupo di empleo y ta keda na nan pa haci nan escogencia.

Pa e relato completo, lesa edicion di TREMPAN