Situacion alarmante: Serlimar no por garantisa trabou di e trahadonan di dump

Tabata na juni ultimo cu Minister Ursell Arends, encarga cu Naturalesa, a anuncia cu lo cera dump entrante 31 di december 2022.

Directora di Serlimar SG, Melitza Geerman hunto cu sindicato SEPPA a reuni cu mediador di Gobierno tocante e ciere di dump, cual sigur tin su consecuencia pa e fluho di trafico riba dump y tambe kico lo para cu e trahadonan cu ta labora riba dump. Y ainda no tin claridad di kico lo bay pasa cu e trahadonan.

Pero e trahadonan cu ta traha riba dump ainda no sa kico lo para di nan trabou despues di 31 di december 2022. Pa es motibo ey tambe, e trahadonan di Serlimar cu ta traha na Dump, hunto cu Edmundo Marlin, Secretario di SEPPA, cu ta e sindicato cu ta representa nan, a reuni cu mediador di Gobierno, Anselmo Pontilius.

Den e reunion aki, nan a enfoca riba e asunto di dump, cerca gerencia ya cu nan mester sa kico ta bay pasa riba dia prome di januari na Parkietenbos. Nan a sinta cu mediador cu lo manda yama un reunion cu minister hunto cu e gerencia pa sinta na mesa cu e sindicato y e shopstewardnan. E trahadonan mester sa kico ta bay pasa.

Pa mas informacion Lesa mas den TREMPAN.