Sindicato SEPPA y Post Aruba N.V. ainda ta den negociacion

Esey ta loke e titular di Asunto Economico, Comunicacion y Desaroyo Sostenibel a duna di conoce diamars mainta durante un conferencia di prensa na sede di gobierno.

Despues di a ricibi ainda ayera e ultimo informacionnan necesario, y manera a acorda cu secretario general di SEPPA, Magali Brito, awe ta sostene un dialogo cu directiva y hunta di comisario di Post Aruba N.V. pa determina kico ta e espacio financiero y consecuentemente haci un propuesta na e trahadornan. Mientrastanto, Minister Geoffrey Wever a bisa cu e ta den contacto continuo cu sindicato y mediador di gobierno. 

Minister Wever a ricibi un prome auditoria haci pa PriceWaterhouseCoopers (PWC) Hulanda. Y aunke e no ta cla ainda, si tin un draft cu lo forma e base pa continua cu e reorganisacion. “Un cos ta sigur: nos no por laga Post continua den e situacion cu e ta aworaki,” asina e mandatario a remarca, indicando cu CFT tambe a señala e necesidad di reestructura e empresa estatal aki.

Aworaki cu tin un prome draft di e rapport di auditoria, Minister Wever ta sinti cu e tin e herment necesario pa haci dicho reestructuracion. Mientrastanto, kier trece trankilidad pa e empleadonan pareu cu ta haci un sondeo interno pa hustifica e decision cu ta bay tuma.

Pa e relato completo, lesa edicion di TREMPAN