Showroom di Cas di Max a muda pa Schotlandstraat

Cas di Max ta conoci pa tin dos showroom, un na Meiveld y e otro na Schotlandstraat. Pero awo Cas di Max ta bay tin un solo showroom y esey ta na Schotlandstraat.

Paul Schouten, director di Cas di Max, a splica cu nan a cuminsa na Meiveld y par di anja despues a habri un showroom na Schotlandstraat pa matras y cama so. Awo nan a haya e oportunidad pa huur henter e edificio na Schotlandstraat. Asina ey nan ta muda e showroom di Meiveld pa Schotlandstraat.

Prome e cliente mester a bay na Schotlandstraat pa mira cama, mientras cashi y otro cos tabata na Meiveld, core ariba abou. Pero awo no ta asina mas. Bin Schotlandstraat y bo ta mira tur cos bou un solo dak.

DESCUENTO SPECIAL

Como ta temporada di Pasco, Cas di Max tin prijs special riba tur e reclinernan. E reclinernan ta traha na Merca y tin descuento di 35%. Tambe tin 10% riba tur cama, mientras riba e corchonnan tin descuento di 10% te 20% y ta depende di e matras.

Cas di Max ta situa na Schotlandstraat 46. Segun Schouten, si ta bin di direccion dje rotonde di Ling & Sons bin noord, e luga ta na man drechi di caminda. Si ta bin for di direccion dje rotonde banda di pumpstation, bin paseit y ta hay’e banda pariba di caminda. Pa mas informacion por yama na 280-6080 y un di e bendedonan di Cas di Max ta cla pa atende bo cu hopi animo y alegria. Di dialuna pa diabierna e orario ta di 9:00 am – 6:00 non stop, diasabra di 9:00 am pa 5:00 pm.

Schouten ta invita pueblo di Aruba pa pasa na e showroom nobo di Cas di Max na Schotlandstraat. Tambe nan ta hayando carga nobo y asina ey ta completamente geset pa pueblo por pasa y mira kico tur Cas di Max tin pa ofrece den corchon, cashi, set di sala, comedor.