Shailiny Tromp-Lee ta aplaudi: Proyecto di trapi na Rodgers Beach ta uni cuater tereno

E tema principal di e conferencia di prensa di partido MEP, tabata e proyecto di trapi cu tin na Rodgers Beach, proyecto di ministerio di turismo y salubridad cu ta uni cuater tereno hunto, cual ta turismo, economia, naturalesa y cultura, arte.

E proyecto aki ta loke cu lider di fraccion di MEP, Shailiny Tromp-Lee ta aplaudi. El a indica cu den e tempo nan ey cu ta pasando aden, e tempo di reto, ta sigur proyecto cu tin cu sostene y percura pa mas di nan por tuma luga na Aruba, pasobra cu e tiki fondonan cu tin, ta ripara cu a renoba e trapi na Rodgers Beach.

A haci inicio di un proyecto cu a fusiona naturalesa, arte, cu turismo y cu e prikkel pa nos economia.

Dicon ta hay’e asina importante pasobra dialuna mainta a subraya cu no solamente ta bay ta un manera pa eleva e nivel infrastructural di turismo, pero tambe a duna atencion na por ehempel e bida marino na Rodgers Beach, cu no solamente ta bay conscientisa nos hendenan kico tur tin na bunitesa bao di lama, pero cu e enfoke primordial pa por guia y percura pa nan tin un bon bida tambe bao di lama.

A trece artista local y internacional hunto pa realisa un proyecto, manera cu a bisa durante di e inauguracion, un aporte pa loke ta trata e herencia cu ta pone e parti di bida marino n’e trapi, asina conscientisa nos turismo kico tur tin bao di lama y tambe nos hendenan pa ta un tiki mas orguyoso kico tin eynan.