MINISTERIO KONSERNÍ MANEHO DI GOBERNASHON, PLANIFIKASHON I SERVISIO PÚBLIKO
SERVISIO ADAPTÁ PA PIDI PÈRMIT
PUBLIKÁ RIBA 20 SÈPTÈMBER 2022
WILLEMSTAD – Entrante djaweps 22 di sèptèmber 2022, Lokèt di Pèrmit situá na Saliña lo adaptá temporalmente e forma di risibí petishonnan pa sierto pèrmit. Esaki ta debí na falta di personal, pero ku e meta pa sirbi nos klientenan mas mihó posibel.
Tur petishon pa e siguiente pèrmitnan mester keda entregá via mail na intake.vergunningenloket @gobiernu.cw
Ta trata aki di:
- Tur petishon ekonómiko di MEO (Vestigingsvergunning, horecavergunning, ventvergunning, standplaatsvergunning)
- Tur petishon pa pèrmit di labor di SOAW (Tewerkstellingsvergunning)
Tur sobrá petishon, por ehèmpel schooltransport- i evenementenvergunning por keda entregá personalmente na ofisina di Lokèt di Pèrmit di djaluna pa djabièrnè entre 8’or di mainta pa 12’or di mèrdia.
Lokèt di Pèrmit ta keda hasi esfuerso pa por kumpli ku e servisio na públiko i ta spera ku riba término korto por normalisá esaki.
