LIGA T-BÒL SYLVIO “CASCA” LEONORA
Silvio Mathias Leonora a nasé na Kòrsou dia 24 febrüari 1931 bou di signo di Piscis i a fayesé 24 mart 2006 na e bunita edat di 75 aña. Sylvio ta konosí pa tur hende komo “Casca” of “Cascarita”.
“Casca” a kuminsá aktua ofisialmente komo èmpayer den segundo mitar di aña 50 na un edat relativamente hóben i a èmpayá beisbòl i sòftbòl na tur nivel pa mas ku 45 aña sin interupshon. Práktikamente no tin liga di beisbòl, ni sòftbòl organisá ku “Casca” no a yega di èmpayá den dje! Djis pa nòmbra algun: Liga Wimpiri, Liga Vruminga, Little League beisbòl i sòftbòl, Liga hubenil di beisbòl i sòftbòl, beisbòl i sòftbòl eskolar, sòftbòl di CSB maskulino i femenino den Klase AA,A,B i C, tambe Liga Stimulans i Klase AA i A di Febeko i asina nos por sigui.
“Casca” no a èmpaya na Kòrsou só, pero rònt mundu, na nos isla rumannan Aruba i St. Maarten, na práktikamente tur país Latinoamérikano, varios siudat Merikano, tambe algun país na Europa i hasta na Hapon. Ademas “Casca” ta un di e poko èmpayernan yu di Kòrsou ku a optené su karnèt komo èmpayer internashonal di ISF ku ta e Federashon Internashonal di Sòftbòl.
Pero “Casca” su amor semper tabata pa èmpayá deporte di mucha. Apesar di tur kos, semper “Casca” a sigui koperá ku beisbòl Little League i hubenil i na inisio di Curaçao Little League Sòftbòl, apesar ku ya “Casca” tabatin e edat respetá di 70 aña, tòg “Casca” sin basilá a forma parti di e promé kuerpo di èmpayer di e liga.
Ta pesei na inisio di e promé kampionato di T-Bòl di sòftbòl femenino na aña 2002, direktiva di Curaçao Little League Sòftbòl unánimamente a disidí di duna honor i rekonosementu na e gran kabayero i popular èmpayer aki nombrando e promé liga di sòftbòl T-Bòl:
LIGA DI T-BÒL SYLVIO “CASCA” LEONORA
Djabièrnè 26 di Ougùstùs 2022
05:15 pm Pa mas tardá tur mucha mester ta presente na Buena Vista
Bòlpark
05:20 Tur mucha ta reuní den huki pafó banda di rightfield
05:25 Desfile di ekiponan riba tono di brasbènt den e siguiente orden:
- Brasbènt
- Brievengat
- Buena vista
- Domi
- Souax
- Suffisant
- Sta. Rosa.
Selekshon di Junior League
Selekshon di Senior League
05:30 Ekiponan ta drenta Buena Vista Bòlpark na entrada di rightfield
Bini direkshon di primera base kana ku e medio luna bin pafó di liña liña di foul leftfield, pasa tras di homeplate bai 1a base:
– brasbènt ta stashoná djis despues di dugout di 1a base i sigui
toka, mientras:
– tur ekipo ta drenta na 1a base direkshon 2a base riba tono dje
brasbènt:
a)Brievengat , Buena vista i Domi ta stashoná entre 3a i 2a – 1ª base;
- b) Souax ,Sta. Rosa i Buena Vista ta stashoná entre 2ª i 1ª base;
c ) Selekshon di Junior ta stashona home pa primera i Selekshon di Senior di home pa tersera
– brasbènt ta stòp di toka
05:40 MC ta yama e presentenan bon bini i ta pidi e invitadonan pa subi
tereno i stashoná alrededor di pitching plate:
Minister di enseñansa,siensia kultura i deporte Sr.van Heydoorn
– Presidente di CLLS Sra. Shianitza Manuela
– Presidente di CSB Sr. Edward “Chu” Martis
– Representante(nan) “Casca” Leonora ……………………………………………
– Represantenan di famia Willems, Hooi, Paulo i Lourens
– Sponser representante di Vanddis i Sr. Ruisandro Cijntje
– Presidente Liga T Bòl S. “Casca” Leonora Sr. Ralph Pereira
05:45 – MC ta pidi e presentenan pa lanta para, kita pèchi pa duna
honor i rèspèt na nos dushi Himno di Kòrsou
05:50 – Pa duna honor n’e persona na kende liga ta hiba su nòmber MC
ta lesa un kuríkulo kòrtiku di Sylvio “Casca” Leonora
– Na final e ta pidi un fuerte aplauso pa “Casca”
05:55 – Diskurso kòrtiku di Minister Sr. Van Heydoorn
– Diskurso Presidente Liga “Casca” Leonora Sr. Pereira (2min)
06:05 – Ekiponan ta saka lòt
– Sr. Presidente ta anunsiá e wega inaugural, No 1 vs No 2
i e di dos wega No 3 vs No 4 i tambe weganan di mayan
djasabra 27 di augùstùs
06:10 Seremonia di Promé lansamentu –
– Pitchernan representante Leonora, Willems ,Hooi,
Paulo i Lourens
– Kècher – .minister pa deporte van Heydoorn
– Batidó – presidente di CLLS
– Umpayer – presidente di CSB
06:15 Retiro invitadonan
Retiro ekiponan riba tono di brasbènt:
- ekiponan ta sali di 3a base, pasa dilanti tribuna, tras di home-
plate i kana banda di liña di foul bai rightfield bai sali for di tereno n’e entrada den rightfield
- mientras ekiponan ta baha di tereno MC ta gradisi invitadonan i personanan ku ta hasi e kampionato posibel:
06:20 Ekipo # 1 i # 2 ta prepará p’e promé wega
06:30 Pleibòl
o-o-o-o-o-o-o-o-o-o-o-o-o-o-o-o-o-o-o-o
