Selekshon Nashonal di sòftbòl femenino ta kla pa kampionato di ECASC
Selekshon nashonal di sòftbòl femenino a konkluí 7 siman di preparashon intensivo ku
a konsistí di trainingnan mental, trainingnan riba vèlt i tambe seshonnan di “
teambuilding”. Djadumingu 26 febrüari tabata e último training di nos selekshon
nashonal. Federashon di CSB ta yama Maduro & Curiels Bank danki ku durante aña
ta hasi posibel pa e selekshon di Kòrsou train gratuitamente na Bam Bam Tech
Sportzone. E team di maneho ta mira bek un periodo di preparashon eksitoso ku ta
duna e team un konfiansa i speransa ku nos selekshon ta kla i ta desidido pa trese e
título máksimo kual ta kampion di ECASC ( English Caribean Amateur Softball
Confederation) ku ta nifiká outomátikamente klasifikashon pa Juegos Centro
Americano I del Caribe CAC. E kompetensia ta start 1 mart 2023 i lo tin partisipashon
di 6 Pais kual ta Kòrsou, Aruba, Sint Maarten, Britsh Virgin Island, US Virgin Island i
Jamaica.
Djamars 28 febrüari pa 9or di mainta e delegashon di Kòrsou ta sali pa US Virgin
Island i Djárason 1 Mart 12or di mèrdia Selekshon di Kòrsou lo tin nan promé partido
kontra di Aruba.
Federashon di Sòftbòl Kòrsou ta gradesido na MCB i tambe FDOK (na nòmber di
Gobièrnu di Kòrsou) ku a kubri gastunan di e kompromiso importante aki.
CSB i team di maneho tambe kier gradisí 2 hungadó aktivo di softball lokal ku no ta
formando parti di e selekshon pero tòg a uza nan tempu liber pa kombiná komo picher
i kècher i tira vários biaha “live pitching” pa e selekshon por a bati, kual ta Arnalda
Margaritha i tambe Moësha De Paula. Tambe nos kier a gradesí Raichel Sambo ku
tambe a kontribuí ku su picheo di manera e selekshon por a bati picheo bibu. Por
último nos kier a gradesí Sr. Chape Bernardus ku a asistí e kuerpo tékniko na tur
training kontribuyendo na e totalidat di e trainingnan.
Nos ta pidi pa tur fanátiko di deporte pa kompaña e selekshon femenino djaluna 27
febrüari pa 6or atardi na misa di Suffisant pa tuma un bendishon promé nos biaha pa
US Virgin Island.
E delegashon ta konsistí di :
Hungadónan,
Thaima Maximiliana ,Joanna Benita ,Shurvienska Wawoe ,J’DahGirigorie, Joannie
Benita, Julise Coffi, Michenou Marselia,Deidra D/C Gomez, Anais Piar, Ashanty
Alexandre, Sovienca Calmera , Suheydi Faneyt , Karin Tuk , Jandely Ricardo,
Richelle van Gennip
Evan Balentina Manager, Emerick Agatha coach, Patrick Girigorie coach, Marvin
Wijman coach,
Affiliated with:
FDOK: Federashon di Deporte Olímpiko di Kòrsou – WBSC: World Baseball and Softball Confederation
CONPASA (WBSC-Americas): Confederación Panamericana de Softbol – CONCACAS: Confederación
Centroamericana y Caribe de Softbol – CONSURSA: Confederación Suramericana de Softbol
ECASC: English Caribbean Amateur Softball Confederation
Curaçaose Softball Bond
DianneWinklaar masahista/terapista, Lernnerth Angela General Manager, Shurendley
De Lima hefe di delegashon
Allan Koolmeyer Umpire
Edward Martis Presidente di Federashon di Sòftbòl Di Kòrsou
Athunto bosnan ta risibí algun potrèt di un workshop di Antidoping ku FDOK a
organisá I tambe
skema di e partidonan.
PS: pa loke ta transmishon, ainda nos no a haña informashon ken òf kon e lo ta,
manera nos haña e informashon no ta informá.
Edward Martis
Presidente
