Secretario general di SEPPA: E trahadonan di Arubus ta sinti cu gerencia no ta honesto

Pa algun tempo na Arubus tin algun problema y sindicato SEPPA ta hopi envolvi cu e trahadonan pa tin paz laboral. Pa algun tempo caba tin discusion tumando luga riba structura salarial, e trahadonan ta sinti cu gerencia no ta honesto cu nan.

Magaly Brito, secretario general di SEPPA, a splica cu tabatin un caso dilanti corte y Arubus a pidi hues pa pone como regla ora ta yama un accion na pia di trabou, pa tin 72 ora di aviso. Asina ey, segun gerencia, nan por regla un ke otro y informa e usuarionan dje cambio. Hues a duna Arubus rason riba e punto ey, y segun Brito, nan no tin problema pa cumpli cu e 72 ora. SEPPA ta kere cu na final e mester conta pa tur dos banda den e contexto, cu un dunado di trabou no mester laga cos bay asina leu prome cu e atende asunto di trabou. El a sigui bisa pa accion ta bin pa forsa pa tin decision of trece partido na mesa, of pa tin solucion, pero mas bien busca p’asina hunto por yega na otro pa tin un solucion.

Na Arubus pa hopi tempo tin un discusion andando riba e structura salarial. E acuerdo aki a sosode mediante un protocol na december 2019 y e structura salarial nobo mester a drenta vigor dia prome di januari 2021. Pero esey no a sosode y tur e tempo ey no a laga haci tampoco un evaluacion pa bin c’un structura salarial. El a sigui bisa nan a sigui pusha despues di a gana e referendum.

SEPPA a haya un presentacion fo’i Arubus, cu a resulta di ta un proposicion. E momento ey nan a bisa n’e sindicato di a haya resultado dje compania Deloitte y a base di esey Arubus a bin cu e propuesta.

E sindicato a tene un reunion cu e trahadonan di Arubus, minister y un presidente di Raad di Aruba. Aki a informa SEPPA formal cu e documentonan di Deloitte tabatin tres of ta cuater proposicion y nan a scoge. A base di esey e sindicato a pidi pa wak e resultadonan ey. Pero Arubus a informa nan cu ta regla di Deloitte y nan no por saca e documento, no por comparti esey cu e sindicato ni trahado di Arubus pasobra e compania tin miedo cu otro compania ta haya sa di na methodiek.

Pa tanto SEPPA como e trahadonan no ta importa pa saca ningun methodiek di compania, mas bien nan ta interesa pa sa kico ta e resultadonan y pakico no dje cuater proposicionnan. Kisas asina ey nan por yega hopi cerca di otro cual ta uno aceptabel p’e trahadonan. Mester tene cuenta tambe cu e ta cargabel p’e compania. Segun Brito, nan no por acepta cu e compania ta bisa esaki te y ta bay implement’e tambe entrante prome di september 2022. Esey tabata e obhecionnan cu e trahadonan tabatin y e sindicato a haya un reaccion di parti Arubus cu nan no ta implement’e mas dia prome di september 2022.